Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Ramin Quluzadə müşavirə keçirdi: “Ciddi araşdırmalar aparılır”
Ramin Quluzadə müşavirə keçirdi: “Ciddi araşdırmalar aparılır”
18 Dekabr 2015 / 16:26 / Baxış sayı: 1754
Font1 Font2 Font3 Font4

“Hazırda Rabitə və Yüksək Texnologiyalar Nazirliyində ciddi islahatlar aparılır. Bu islahatlar nazirlikdə aşkara çıxarılan qüsurlar tam aradan qaldırılanadək davam etdiriləcək”. Lent.az-ın trend-ə istinadən məlumatına görə, bunu yeni təyin olunan rabitə və yüksək texnologiyalar nazirinin birinci müavini, nazir səlahiyyətlərini icra edən Ramin Quluzadə bildirib.

Qeyd edək ki, Rabitə və Yüksək Texnologiyalar Nazirliyində son vaxtlar aparılan kadr dəyişiklikləri və islahatlar diqqət mərkəzindədir. Baş Prokurorluqda aparılan ilkin istintaq zamanı nazirlikdə rüşvətxorluq, korrupsiya, dövlət əmlakının mənimsənilməsi, vəzifədən sui-istifadə kimi ciddi nöqsanlar, maliyyə yeyintilərinin olduğu üzə çıxarılıb. Nazir Əli Abbasovla yanaşı, nazirliyin bir sıra struktur bölmə rəhbərləri işdən uzaqlaşdırılıblar.

Rabitə və yüksək texnologiyalar nazirinin səlahiyyətlərini icra edən Ramin Quluzadə bu gün Bakı Telefon Rabitəsi İstehsalat Birliyinin baş ofisində idarənin fəaliyyəti ilə tanış olub və işdəki nöqsanların aradan qaldırılması ilə bağlı müvafiq tapşırıqlar verib.

Ötən gün isə “Azərpoçt” MMC-də nazirlik tərəfindən gözlənilməz reyd keçirilmişdi. Verilən məlumata görə, rabitə və yüksək texnologiyalar nazirinin səlahiyyətlərini icra edən Ramin Quluzadə qurumun fəaliyyətini yoxlamaq məqsədilə heç bir xəbər vermədən iş saatında “Azərpoçt”a baş çəkib və yerində bir sıra məsələlər üzrə yoxlamalar aparılmışdı.

Trend-ə açıqlamasında Ramin Quluzadə hazırda nazirlikdə bütün sahələr üzrə ciddi araşdırmalar aparıldığını deyib: “Nazirlikdə yeni struktur dəyişiklikləri edilir. Aparılan islahatlar nəticəsində qeyri-peşəkarlar və nöqsanlara yol verənlər işindən uzaqlaşdırılacaq və yeni kadrlarla əvəz olunacaq. Hazırda yeni struktur dəyişiklikləri ilə bağlı nazirliyin bölmələrinə müvafiq tapşırıqlar verilib. Rabitə və Yüksək Texnologiyalar Nazirliyinin hər bir əməkdaşı ölkə vətəndaşlarına və Azərbaycan Respublikasının Prezidentinə xidmət etməlidir”.

 



Şərh yazmağa icazə verilməyib..




Yuxarı Geri Ana səhifə