Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

“İstəyirlərsə, yerinə Şaumyanın şəklini assınlar” – SƏRT ETİRAZ
“İstəyirlərsə, yerinə Şaumyanın şəklini assınlar” – SƏRT ETİRAZ
02 Fevral 2016 / 17:34 / Baxış sayı: 518
Font1 Font2 Font3 Font4

Fazil Mustafa: “Rəsulzadənin barelyefinin yerində reklam lövhəsinin asılması dəyərlərə hörmətsizlikdir”

İqbal Ağazadə: “Anlamalıdırlar ki, bu hal xalqa, millətə, dövlətə sayğısızlıqdır”
Azərbaycan Demokratik Cümhuriyyətinin banisi Məhəmməd Əmin Rəsulzadənin “Bakı Metropoliteni” “28 Ma”y stansiyasındakı barelyefinin sökülərək yerində tikinti şirkətinin reklamının asılması etirazla qarşılanıb. Milli Məclisin deputatı Fazil Mustafa məsələyə sərt etirazını bildirib.
O, Arqument.az-a açıqlamasında deyib ki, Rəsulzadəyə hörmətlislik azərbaycanlıya yaraşan hərəkət deyil: “İstəyirlərsə, onun barelyefinin yerinə Stepan Şaumyanın şəklini assınlar. Məhəmməd Əmin Rəsulzadəni sevmirlərsə, nə etmək olar?! Belə çıxır ki, bu adamlar azərbaycanlı deyillər.  Hər kəs bilir ki, bu, həssas məsələdir. Nə qədər bəsit düşüncədə olmalısan ki, belə addım atasan.
Bilirlər ki, hər dəfə bu cür addımlar atılanda cəmiyyətdə narahatlıq yaranır, bunu niyə anlamırlar? Məhəmməd Əmin Rəsulzadəyə bu xalqın içində sevgi var. Kimlərinsə hansısa addım atması ilə deyil ki?! Niyə hər dəfə vurğulamalıyıq ki, Rəsulzadənin heykəlinə çuval keçirməyin, hörmətsizlik etməyin. O kişinin qurduğu dövlətdə yaşayırsız, heç olmazsa, hörmət edin. Azərbaycanca deyirik, başa düşmürlər. Ruscamı, ingiliscəmi deyək? Allah belə yanaşanların cəzasını verəcək”.
“Ümid” Pariyasının sədri, sabiq deputat İqbal Ağazadə də Arqument.az-a açıqlamasında bildirib ki, Məhəmməd Əmin Rəsulzadənin portretinin sökülməsi, yerində reklam lövhəsinin asılması yumşaq ifadə edilsə, keçmişə, tarixə hörmətsizlikdir.
Onun sözlərinə görə, belə yanaşmanın olması yanlışdır: “Onlar anlamalıdırlar ki, bu hal xalqa, millətə, dövlətə sayğısızlıqdır. Məhəmməd Əmin Rəsulzadəni və digər cümhuriyyət qurucularını yaddaşdanmı siləcəklər. Sovet hökuməti belə silə bilmədi. Rəsulzadə bir dəyərdir, o dəyərə hörmət etməliyik”.
Qeyd edək ki, M.Ə.Rəsulzadənin barelyefinin yerində tikinti şirkəti olan “Kristal Abşeron”un reklamı yerləşdirilib.
Xatırladaq ki, “Bakı Metropoliteni”nin “28 May” stansiyası bir neçə il öncə təmir edilib. Təmir zamanı Rəsulzadənin barelyefi sökülüb. Reklam lövhəsi isə yaxın vaxtlarda asılıb. “Bakı Metropoliteni” QSC isə məsələyə aydınlıq gətirməkdən imtina edib.

arxiv.bizimxeber.az



Şərh yazmağa icazə verilməyib..




Yuxarı Geri Ana səhifə