Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Türkiyə sərhədində rus generallar öldürüldü
Türkiyə sərhədində rus generallar öldürüldü
05 Fevral 2016 / 11:05 / Baxış sayı: 362
Font1 Font2 Font3 Font4

Generallar yeni planlar barədə müzakirələr apararkən basqına məruz qalıblar. Suriyanın Türkiyə sərhədində yerləşən Türkməndağı bölgəsində Rusiya ordusunun generalları oldürülüb. Rusiya vəBəşər Əsəd rejiminin generallarının keçirdiyi toplantıya hücum edilib.

Belə ki, generallar axşam saatlarında baş tutan toplantıda bölgədə həyata keçirilən hücumların son vəziyyəti və yeni planlar barədə müzakirələr apararkən basqına məruz qalıblar.

Anadolu agentliyinin verdiyi məlumata görə, Duveyrik və Selma bölgələri arasında olan məkanda keçirilən toplantıya yüksək rütbəli generallar qatılıb. Müxalif qüvvələrin etdiyi basqında 4-ü rus, 4-ü rejim generalı və 15 əsgər öldürülüb. Ölən rus generallardan birinin Türkməndağındakı hücumları koordinasiya edən, “Yuri” ləqəbli general-leytenent olduğu bildirilir. Digər rus hərbçilərin isə general-mayor olduğu müəyyən edilib.

Basqın zamanı öldürülən rejim generallarının dördünün də rütbəsi general-mayordur. Rusiya sə Suriya tərəfi hücumla bağlı hələlik heç bir məlumat yaymayıb.

Sentyabrın 30-da Rusiya prezidenti Vladimir Putinin göstərişi ilə Rusiya hərbi aviasiyasına məxsus qırıcılar Suriya ərazisində hərbi əməliyyatlara başlayıb. Əməliyyat öncəsində bunun İŞİD-ə qarşı mübarizə olduğu bildirilsə də daha sonra rus qırıcılarının Əsəd rejiminə qarşı olan dinc əhalini bombardıman etdiyi iddia olunmuşdu.

Rusiya qırıcıları Türkiyə ilə həmsərhəd türkmən ərazilərini də bombardıman edir. Qırıcılar əsasən türkmənlərin kompakt yaşadığı bölgələrə zərbələr endirir.

Suriya dövləti ərazisində əsasən türkmənlərin yaşadığı Yamadi, Salur və Ceptoros bölgələrini Rusiya qırıcılarının bombardman etməsi nəticəsində minlərlə insan yaşadığı yeri tərk edərək Türkiyə sərhədinə üz tutub. Türkməndağındakı partlayış səsləri Türkiyənin Hatay şəhərinin Yayladağı rayonunda da eşidilir.

arxiv.bizimxeber.az


Şərh yazmağa icazə verilməyib..




Yuxarı Geri Ana səhifə