Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

“Bizim market”in rəhbərinə növbəti SƏRT İTTİHAMLAR
“Bizim market”in rəhbərinə növbəti SƏRT İTTİHAMLAR
15 Fevral 2016 / 19:56 / Baxış sayı: 594
Font1 Font2 Font3 Font4

İstintaqa Rasim Salmanovun ölkədən 100 milyonlarla dollar çıxardığı haqda sənədləri təqdim olundu; biznesmen gizlicə Kanada vətəndaşlığı alıbmış!

“Maşın bazarı”nın sahibi, “Bizim market” mağazalar şəbəkəsinin ortaqlarından olan Rasim Salmanovun Beynəlxalq Bankın sabiq rəhbəri, hazırda həbsdə olan  Cahangir Hacıyevin vasitəsi ilə ölkədən 100 milyon dollar çıxardığı haqda yazmışdıq. Maliyyə xəyanəti ittihamı ilə həbsdə olan Cahangir Hacıyevin ölkədən çıxarılmasında iştirak etdiyi və vergidən yayınmaqla qazanıldığı iddia olunan 100 milyon dollar manatın birinci  devalvasiyasından 2 gün əvvəl Kanada və Türkiyədəki hesablara yerləşdirlib. 

“Yeni Müsavat” 13 fevral sayında  “Bizim market”in rəhbəri ölkədən 100 milyon dollar çıxarıb – şok təfsilat sərlöhvəli manşet yazısı Rasim Salmanovun qaynanası Xanımbacı İsmayılovanın məktubu əsasından hazırlanıb. Yazının dərcindən sonra X.İsmayılova redaksiyamıza yeni məlumatlar verib. X.İsmayılova bildirir ki, nəvəsi 1989-cu il təvəllüdlü Sahib Quliyev böyük sifarişin qurbanı kimi həbsdədir. Müstəntiq Vüqar İsmayılov Rasim Salmanovu razı salmaq və onun sifarişilərinin sözsüz icra edilməsini göstərmək üçün Sahib Quliyevə məxsus mənzildə axtarış apardı. Xanımbacı İsmayılova bildirir ki, həmin axtarışın əsası və səbəbi hələ də ona aydın deyil, müstəntiq o evdə nə axtarırdı?!

“Beləliklə, bir neçə əməliyyat müvəkkilinin iştirakı ilə 10 fevral 2015-ci ildə Vüqar İsmayılov böyük axtarışlara başladı. Axtarışın sonunda tam qanunazidd olaraq mənzildən Sahib Quliyevin anası Həcər Quliyevaya məxsus şəxsi əşyalar – sənədlər, mobil telefon, ətir qabları, bir neçə mağazanın reklamı kimi ona verilmiş kataloqlar, xırda qızıl-zinyət əşyaları, gündəlik istifadə edilən bir 4-5 ədən əl çantası, 1000 dollar məbləğində pul, mənə məxsus üzük, sırqa, adi boyunbağı, xəstəlik kağızları, Sahib Quliyevə məxsus hərbi bilet, sənədlər, evin daşınmaz əmlakdan çıxarışının əsli və cinayət işi ilə bağlı olmayan bir sıra sənəd və əşyaları götürdü. Hətta müstəntiq qadınlara məxsus şəxsi gigiyenik əşyalara da baxdı. Bütün bunlar ailəyə zorakılıq və hədə-qorxunun göstəricisidir. Əsas səbəb isə Rasim Salmanov tərəfindən ailəyə məxsus əmlakları ələ keçirərkən kimlərinsə etirazının qarşısını almaqdır” – deyə X.İsmayılova bildirib.

Onun sözlərinə görə, evdə aparılan axtarış iş üçün əhəmiyyətli sayıla bilməz: “Evdə heç nə aşkar edilmədi. Heç edilə də bilməzdi. Çünki süni şəkildə cinayət işi başlanıb və bu yalnız və yalnız təzyiq vasitəsi idi.

“Bizim marketlər” şəbəkəsinin rəsmi sahibi Xanımbacı İsmayılovanın bildirdiyinə görə, marketlər şəbəkəsi rəsmi olaraq onun adına olsa da biznesi bilavasitə onun kürəkəni Rasim Salmanov idarə edib, ailəyə çatacaq milyonlarla pulu müxtəlif vasitələrlə Türkiyə Respublikasına, ordan da Kanadaya ötürüb: “Bu faktların üstü bank hesabları vasitəsilə açıldıqdan sonra Rasim Salmanov ailəni neytrallaşdırmaq qərarına gəlib. Əvvəlcə məsələni zorakılıq və öz üsulları ilə həll etməyə başladı. Ailəmizi güddürdü, hədə-qorxu gəldilər. Bundan sonra ailəni neytrallaşdırmaq üçün Rasim Salmanov polisdəki yaxın tanışlıqlarından istifadə etməyə başladı. Nəvəm sahibi özünün yalan məlumatları ilə həbs etdirdi”.

X.İsmayılova bildirib ki, Rasim Salmanov və onun ailə üzvləri Kanada vətəndaşlarıdır: “Ailəliklə Kanada vətəndaşıdırlar. Onlar bu vətəndaşlığı Azərbaycandan külli miqdarda pulları tam çıxardıqdan sonra rahat şəkildə gedib Kanadada səfalı ömür sürmələri üçün əldə ediblər. İstintaqa Rasim Salmanovun ölkədən 100 milyonlarla dollar çıxardığı haqda sənədləri təqdim etmişəm. Lakin nəzərə almırlar, bir kənara ataraq yalnız Rasim Salmanovun xeyrinə və sifarişi ilə iş aparırlar. Azərbaycan Respublikasının Miqrasiya Xidməti bu məsələni mütləq araşdırmalıdır. Çünki Azərbaycan ikili vətəndaşlıq tanınmır və Rasim Salmanov bu günədək Kanada vətəndaşı olmasını dövlət orqanlarından gizlədir.  Cinayət Məcəlləsinin 318-2-ci maddəsinə əsasən xarici dövlətin vətəndaşlığını qəbul etmiş Azərbaycan Respublikasının vətəndaşı tərəfindən bu barədə məlumatın verilməməsi cinayət hesab edilir. Kanada vətəndaşlığının dövlət orqanlarından gizlədən Rasim Salmanovun niyyəti açıq-aşkar bəllidir: “ölkədən külli miqdarda pul vəsaitlərini çıxardıqdan sonra ölkədən qaçıb getmək və dəbdəbəli həyat tərzini davam etdirmək”.

X.İsmayılovanın ittihamları ilə bağlı R.Salmanovun mövqeyini dərc etməyə hazırıq.



Şərh yazmağa icazə verilməyib..




Yuxarı Geri Ana səhifə