Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Keçmişi oxumaq gələcəyi öyrənmək üçündür…
Keçmişi oxumaq gələcəyi öyrənmək üçündür…
24 Mart 2016 / 17:52 / Baxış sayı: 1054
Font1 Font2 Font3 Font4

Keçmişi oxumaq gələcəyi öyrənmək üçündür

Azərbaycan atalar sözü

Həzarat! Heç bilirsinizmi ki, o kişi, yani və yəni, Üzeyir bəy Hacıbəyli o zaman necə yazardı? Nələr danışardı? Bəs biz?!. Bəs biz indi necə yzırıq? Nələrdən və necə danışırıq? İndi deyim.

O kişi yazanda da, danışanda da heç vaxt bir şeyi yaddan çıxartmayıb. Onu hər şeydən əfzəl bilib, hər şeydən öndə tutub. O şey nədir? O şey – millətdir. Necə yəni millət? Nə millət? indi deyim.

Bu millət cəfakeşinin bir kitabı var: “Ordan – burdan”. Bu kitab ümumən müsəlmanlardan, yani və yəni, milləti islamdan, qısa kəsim, təmamən bizlərdən, bizim içimizdən və çölümüzdən bəhs edir. Halon ki, bizlər haqqındadır, gərəkdir ki, biz də onu oxuyaq. Biz də günlərin bir gözəl günü onu oxuduq və qərar qoyduq ki, o kitabdakı bəzi mətləblərdən bir tamaşa düzək – qoşaq. Və başladıq. Axırı noldu? Axırı belə oldu. шndi deyim.

Həzarat! Bəlli bir şey ki, bu zaman deyilən şeyin üzü olmur, bilmərrə. Onun üzü, əlbəttə ki, “bu gün” dediyimiz haman bu gerçəklikdir. Sizi bilmirəm, amma məncə, bu “gerçəklik” deyilən şey nədirsə, heç onun da üzü yoxdur. O, yani və yəni, bu gerçəklik əslində bir niqabdır. Bu “zaman” filan – filanın niqabıdır. Bütün məğzi – mətləblər də, bütün əsli – həqitlər də bax bu niqabın arxasındadır – gizlindədir. Bir çin atalar sözü var: “İndi kim olduğunu bilmək istəyirsənsə, keçmişdə nə etdiyini öyrən, gələcəkdə nə edəcəyini bilmək istəyirsənsə, onda indi kim olduğunu öyrən”.

İndi isə gəlim mətləb üstünə. Bir ay bundan əqdəm MEDİA COMPANY – nin nəznində M.TEATR PRODUCTİON adlı teatrın əsasını qoyduq. Gənc və istedadlı sənətçiləri ətrafımıza topladıq. Səhər-axşam bilmədən, istirahət və bayram günləri belə dincəlmədən çalışdıq. Nəhayət, Ü. Hacıbəylinin “Ordan-burdan” kitabı əsasında bir bölümlü mükalimə – tamaşa ərsəyə gətirdik. Bu tamaşada iştirak edən beş sənətçi, sanki beş zaman səyyahı kimi bizi keçən əsrin əvvəllərinə, o illərin gizlinlərinə səyahətə aparırlar. Amma, bu səyahət “bu gündən” keçmişə deyil, əslində “ keçmişdən” bu günə səyahətdir. Bəs görəsən, ordan – keçmiş adlı uzaq bir “məmləkətdən” baxanda yaşadığımız bu gerçəklik necə görünür? Bəs qarasınca güdükçü düşdüyümüz o “gələcək” adlı xəyali “diyara” nə ilə və nə üzlə gedirik? Bilmirsiz? Dogrudan, bilmirsiz? Düzünü deyim ki, heç mən də bilmirəm. Amma, mən bir şeyi dəqiq bilirəm. O şey nədi? İndi deyim.

Həzarat! Əgər 29 MART 19.00-da R.Behbudov adına Mahnı Teatrında baş tutacaq M.TEATR PRODUCTİON – nun təqdimatına və ilk tamaşasına gəlsəniz, onda yəqin bilin ki, sizi düşündürən və narahat edən bir çox sualların cavabını tapa bilərsiniz. Tamaşaya biletləri nağd və ya hesaba köçürmə yolu ilə ve ya, (+994 51)-797-43-76 nomresine zeng vuraraq əldə edə bilərsiniz.

Həzarat! Bu yazı – pozunu məhşur alman dramaturqu və rejissoru B.Brextin sözləri ilə itmamə yetirirəm: “İncəsənətin bütün növləri sənətlərin ən böyüyünə – insaların həyatda yaşaya bilmək sənətinə xidmət edir”.

M.TEATR PRODUCTİON-nın bədii rəhbəri :

VİDADİ HƏSƏNOV
əməkdar artist



Şərh yazmağa icazə verilməyib..




Yuxarı Geri Ana səhifə