Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Maşını cərimə meydanına aparılan sərxoş sürücü özünü yandırdı – TƏFƏRRÜAT – YENİLƏNİB
Maşını cərimə meydanına aparılan sərxoş sürücü özünü yandırdı – TƏFƏRRÜAT – YENİLƏNİB
25 Mart 2016 / 16:18 / Baxış sayı: 884
Font1 Font2 Font3 Font4

46 yaşlı kişinin vəziyyəti kritikdir

Gəncə şəhərində sürücünün özünü yandırması faktının təfərrüatı açıqlanıb. Gəncə şəhər Baş Polis İdarəsi və şəhər Prokurorluğundan daxil olan birgə məlumatda qeyd olunur ki, martın 24-də Göygöl rayon sakini, 1970-ci il təvəllüdlü Məmmədəliyev Nəzər Tofiq oğlunun özünü yandırması faktına görə Gəncə şəhər Prokurorluğunda Cinayət Məclləsinin 125-ci (özünü öldürmə həddinə çatdırma) maddəsi ilə cinayət işi başlanıb.

Aparılmış ilkin araşdırma zamanı müəyyən edilib ki, martın 24-də saat 21:30 radələrində N. Məmmədəliyev idarə etdiyi “VAZ-2102” markalı 22 BB 116 dövlət qeydiyyat nişanlı avtomobili ilə “dayanma, keçmə qadağandır” yol nişanının tələbini pozduğuna görə Gəncə şəhəri Baş Polis İdarəsinin Dövlət Yol Polisi Şöbəsinin yol-patrul xidməti əməkdaşları tərəfindən saxlanılıb.

N. Məmmədəliyevin sərxoş vəziyyətdə avtomobili idarə etməsi müəyyən edildiyindən o, Gəncə rayonlararası narkoloji dispanserinə aparılaraq orada müayinədən keçirilib. Müayinədən sonra onun orta dərəcəli sərxoş vəziyyətdə olması müəyyənləşdirilib və idarə etdiyi avtomobil Gəncə Dövlət Yol Polisi Şöbəsinin cərimə meydançasına aparılıb. Bundan sonra N.Məmmədəliyev əşyalarını götürmək adı ilə maşına yaxınlaşıb və avtomobilin salonundan plastik qabda olan yandırıcı məhlulu götürüb və üzərinə tökərək özünü yandırıb. Orada olan polis əməkdaşlarının səyi ilə dərhal yanğın söndürülüb və N.Məmmədəliyev Gəncə şəhər Təcilli Tibbi Yardım Xəstəxanasına yerləşdirilib.

Hazırda başlanmış cinayət işi üzrə zəruri istintaq-əməliyyat tədbirləri davam etdirilir.

**11:39

Dünən Gəncədə özünü yandıraraq intihara cəhd edən Göygöl sakini, 46 yaşlı Nəzər Məmmədəliyev Bakıdakı Respublkika Yanıq Mərkəzinə yerləşdirilib. Mərkəzdən Lent.az-a bildirilib ki, N.Məmmədəliyev xəstəxanaya daxil olarkən vəziyyəti çox ağır olub və hazırda da onun vəziyyəti kritik həddədir. Həkimlər 46 yaşlı şəxsin yaşamaq şansının çox az olduğunu bildiriblər.

Qeyd edək ki, Göygöl rayon Quşqara kənd sakini olan Nəzər Məmmədəliyev avtomobili yol polisi əməkdaşları tərəfindən aparıldığı üçün üzərinə benzin tökərək özünə od vurub.

***
24 mart 23:39

Göygöl rayon sakini Gəncədə özünü yandırıb. APA-nın qərb bürosunun verdiyi məlumata görə, hadisə Gəncə şəhər Baş Polis İdarəsinin Dövlət Yol Polisi şöbəsinin yaxınlığında qeydə alınıb. Göygöl rayon Quşqara kənd sakini, 1970-ci il təvəllüdlü Nəzər Məmmədəliyev üzərinə benzin tökərək özünü yandırıb.

O dərhal Gəncə şəhər Təcili Tibbi Yardım xəstəxanasına çatdırılıb. 2-3-cü dərəcəli termiki yanıq diaqnozu qoyulan N. Məmmədəliyevin vəziyyətinin ağır olduğu bildirilir.

İlkin məlumata görə, N. Məmmədəliyevin avtomobilini yol polisi əməkdaşları cərimə meydançasına aparıblar. O avtomobilinin yanına buraxılmadığına görə etiraz əlaməti olaraq özünü yandırıb. Faktla bağlı hüquq mühafizə orqanları tərəfindən araşdırma aparılır.

arxiv.bizimxeber.az



Şərh yazmağa icazə verilməyib..




Yuxarı Geri Ana səhifə