Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

İcra başçısı Nizami rayonunu iş adamına satıb? – FOTOLAR
İcra başçısı Nizami rayonunu iş adamına satıb? – FOTOLAR
28 Mart 2016 / 11:38 / Baxış sayı: 424
Font1 Font2 Font3 Font4

Bakının Nizami rayon icra başçısının yaşıllıqları kütləvi şəkildə qırmasında əlaltıları məlum olub.

Arif Qasımovun “ağac soyqırımı” ilə məşğul olan mütəşəkkil dəstəsində yaxın dostu olduğu deyilən iş adamı Ramin Babayev xüsusi fəallıq edir. R.Babayevin metronun “Neftçilər” stansiyası yaxınlığındakı “Ledi Şarm” və “Romantik” geyim mağazalarının sahibi olduğu deyilir. İcra başçısının himayəsi altında yaşıllıqlara qənim kəsilən R.Babayev bir gecənin içərisində sözügedən ticarət obyektlərinin yaxınlığındakı ağacları dibindən kəsdirib.Məlumatda bildirilir ki, sahibkar bu ekoloji cinayəti icra başçısına güvənərək həyata keçirib. Çünki A.Qasımov Nizami rayonunda tikinti işlərini və başqa qeyri-rəsmi “layihə”lərini R.Babayevə həvalə edib.

Hazırda R.Babayevin kəsdirdiyi ağacların yerində dəmir konstruksiyalar var və ticarət mərkəzi inşa olunacaq. Gələn bilgilərə görə, sahibkar həm də PSS mühafizə şirkətinə rəhbərlik edir. Onun rayon ərazisində ticarət obyektlərinin sayını artırmaqda icra başçısının ciddi şəkildə dəstəyi olduğu deyilir.

A.Qasımovla R.Babayev həmyerlidirlər. İcra başçısı ilə iş adamı əslən Naxçıvanın Şərur rayonundandır. Məlumata görə, bir müddət əvvəl ağacları məhv edən və cərimələnən sahibkar Mayis Əhmədovun da R.Babayevlə qohumluğu üzə çıxıb. M.Əhmədov R.Babayevin qaynıdır. Beləliklə, icra başçısı qohum olan iki həmyerlisinin Nizami rayonunda yaşıllıqların məhv edilməsinə geniş imkan yaradıb.

Qeyd edək ki. bir müddət əvvəl Qara Qarayev prospektində – “8-ci kilometr bazarı”nın yaxınlığında ağacların qırılması faktı qeydə alınıb. Bundan başqa, hazırda metronun “Neftçilər” stansiyasından üzü “Xalqlar dostluğu” istiqamətinə gedəndə yolun sağında – 9 mərtəbəli binaların qarşısındakı yaşıllıqlar da məhv edilib və yerində təyinatı hələ bəlli olmayan obyektlər tikilir.

Ekologiya və Təbii Sərvətlər Nazirliyi tərəfindən aparılan araşdırma zamanı Şərurun Vərməziyar kənd sakini, sahibkar Mayis Əhmədov Ənvər oğlunun sərv və eldar şamı ağaclarını qırdığı aşkar edilib. Faktla əlaqədar İnzibati Xətalar Məcəlləsinin müvafiq maddələri ilə ona fiziki şəxs qismində cərimə tətbiq edilib.

Onu da bildirək ki, Nizami rayon rəhbəri az əvvəl şah taxtı olan kresolusu ilıə medianın gündəminə gəlmişdi. Artıq məlum foto rəsmi saytdan yığışdırılıb.

İH başçısının kabinetində oturduğu kreslonun böyüklüyü və əzəməti istər-istəməz gözə çarpırdı. İxtisasca hüquqşünas olan və vəzifə mərtəbələrini pillə-pillə çıxan Arif Qasımovun belə əzəmətli kresloya həvəsi hər halda təsadüf ola bilməz.

Ötən il Rusiya saytlarının dövlət başçılarınınn iş otaqları haqda yaydığı xəbərdə Azərbaycan prezidenti İlham Əliyevin kabineti də daxil bir çox ölkə rəhbərlərinin kabinetlərinin fotosuna yer verilmişdi. Lakin heç bir prezidentin, baş nazirin kreslosu Arif Qasımovun kreslosundan daha əzəmətli deyildi. Bu fotonu yayılmasından sonra rayon icra başçısı rəsmi saytdan həmin şəkli yığışdırıb və yenisi əlavə olunub.

Onu da deyək ki, icra başçısı vəzifə alverində adının çəkilməsi ilə yenidən gündəmə gəlib. Arif Qasımov “Gülərqeyt” əməliyyatına oxşar hadisədə iştirakçı olub. Siyəzənə rəhbərlik etdiyi dövrdə ona Rusiyadan gələn iş adamı Ramazan Səlimovun müavini olması təklif edilib.

Prezident İlham Əliyevin səlahiyyətlərinə vaxtından əvvəl xitam verdiyi Bakı Ağır Cinayətlər Məhkəməsinin hakimi Həsən Əliyev iş adamı Ramazan Səlimovdan 600 min manat alaraq onu icra başçısı təyin etdirəcəyini vəd edir. İş adamı istintaq ifadəsində deyib ki, bu işdə Arif Qasımov da iştirak edib.

Həsən Əliyev Ramazan Səlimovu öz “Range Rover”i ilə Siyəzənə apararaq bu rayonun icra başçısı Arif Qasımovla görüşdürüb. Həmin görüşdə Ramazan Səlimovun RİH başçısının birinci müavini postuna təyinatı məsələsi müzakirə olunub. Arif Qasımov bildirib ki, məsələni öyrənib bir neçə gündən sonra cavab deyəcək.

İki gündən sonra cavab gəlib ki, birinci müavin yerli sakin olmalıdır. Ona görə də Ramazan Səlimova rayonda peşə məktəbinin direktoru vəzifəsini təklif edib, lakin o, razılaşmayıb. Qarşı tərəfin mövqeyini dərc etməyə hazırıq.





arxiv.bizimxeber.az



İcra başçısı Nizami rayonunu iş adamına satıb? – FOTOLAR yazısına 2 şərh yazıldı




Yuxarı Geri Ana səhifə