Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

İcra başçısı ilə ARDNŞ-ın vitse-prezidenti birləşib vətəndaşın haqqını taladı
İcra başçısı ilə ARDNŞ-ın vitse-prezidenti birləşib vətəndaşın haqqını taladı
30 Mart 2016 / 13:26 / Baxış sayı: 590
Font1 Font2 Font3 Font4

Bakıda 2-ci qrup Qarabağ əlili qanuni torpaq sahəsindən məhrum olmaq təhlükəsilə üzləşib. Bu barədə Vətəninfo.az-ın  redaksiyasına Qarabağ əlili, gözdən əlil Rüfət Vəliyev müraciət edib. Şikayətçi bildirir ki, 2000-ci ildə Bakı şəhər İcra Hakimiyyətinin 31. 08. 2000-ci il tarixli 833 saylı sərəncamı ilə Əzizbəyov (İndiki Xəzər) rayonunun Pirallahı qəsəbəsi, Girgan-Pirallahı bələdiyyəsinin ərzisindən 33 hektar torpaq sahəsi onun istifadəsinə verilib.

2006-cı ildə həmin torpaq sahəsi Rüfət Vəliyevin direktoru olduğu “Əjdəkan LTD” Məhdud Məsuliyyətli Cəmiyyətinə verilməsi barədə Girgan-Pirallahı b ələdiyyəsi ilə müqavilə imzalanıb. 1 noyabr 2006-cı il tarixli 5 saylı torpaq sahəsinin icarəyə verilməsi haqqında Girgan-Pirallahı bələdiyyəsinin “Əjdəkan LTD” ilə imzaladığı müqavilədə həmin ərazinin MMC-yə istirahət zonası yaratması üçün verildiyi bildirilir.

Şikayətçi deyir ki, həmin ərazini hasarlayıb və ərazidə qanunauyğun tikinti də aparınb. Torpaq sahəsinin abadlaşdırılması üçün əraziya Şamaxıdan 10 min maşın münbit torpaq gətirilərək əraziyə tökülüb, 1000-dən artıq həmişəyaşıl və meyvə ağacları əkilib və ərazi tam olaraq abadlaşdırılıb. Bundan başqa ərazidə “Əjdəkan LTD”nin inzibatri binası da inşa edilib. Bir sözlə, Rüfət Vəliyev qohumlarının köməkliyi ilə həmin sahəni tam abadlaşdıraraq oradan istifadə etməyə başlayıb. Torpaq sahəsinin “Əjdəkan LTD”yə verilməsi barədə Dövlət Torpaq və Xəritəçəkmə Komitəsi, Xəzər rayon İcra Hakimiyyətinin başçısı Gülağa Aslanov da rəy verib və əraszinin qanunauyğun halda MMC-yə verildiyi təstiqlənib. 12 noyabr 2007-ci ildə Gürgan-Pirallahı bələdiyyəsinin yığıncağının 16 saylı protokolu ilə həmin ərazi istirahət və turizm məqsədilə şirkətin daimi istifadəsinə verilib.
Amma, 2013-cü ildə həmin bələdiyyə heç bir əsas olmadan ərazinin hasarını sökmüş və torpaq sahəsinin həmin müəssisədən alınmmasına cəhd edib.Bu prosesdə “Əjdəkan LTD”yə 10 min manatdan artıq ziyan dəyib. Rüfət Vəliyev deyir ki, o məsələ ilə bağlı məhkəməyə müraciət edərək bələdiyyənin qanunsuz əməlləri nəticəsində dəymiş ziyanın ödənilməsinin istəyb. Bələdiyyə isə həmin vaxt tərəflərin məlumatı olmadan iclas keçirərək torpaq sahəsinin icarə müqavilələrinin ləğv edilməsi barədə qərar çıxarıb: “Bələdiyyə bu barədə yığınca keçirə bilməz. Çünki, “Əjdəkan LTD” həmin ərazinin bir hissəsini vətəndaşlardan pulla alıb, həmin əraziyə külli miqdarda pul xərclənib. Bununla bərabər, həmin torpaq sahəsi ilə əlaqədar bələdiyyə büdcəsinə lazımi qədər vəsait ödənilib.

Məhkəmə sahibkarın haqqını tanıyır, məmurlarsa rədd edir

“Əjdəkan” MMC-nin təsisçisi məsələ ilə bağlı Bakı İnzibati-İqtisadi Məhkəməsinə müraciət edərək təsisiçisi olduğu müəssisəyə dəymiş ziyanın ödənilməsi və mülkiyyət hüququnun tanınması barədə iddia qaldırıb. Məhkəmə prosesində məsələ araşdırılıb və “Əjdəkan LTD” şirkətinin qanuni yolla torpaq sahəsi aldığı müəyyənləşib. Məhkəmədə məlum olub ki, torpaq sahəsinin qanuni olması barədə Xəzər rayon İcra Hakimiyyətinin başçısı Gülağa Aslanov da razılıq verib və ərazinin qanunauyğun sənədlərlə verilməsi təsdiqini tapıb. Məlum olub ki, ərazinin icarə müqaviləsi Gürgan-Pirallahı Bələdiyyəsinin qanunsuz qərarı ilə ləğv edilib.

Ədliyyə Nazirliyi yanında Bələdiyyələrlə iş üzrə Mərkəzin rəhbəri Mehdi Səlimzadə də məhkəmənin sorğusuna rəsmi cavabında göstərib ki, ərazinin “Əjdəkan LTD”yə verilməsində heç bir qanunsuzluq olmayıb, torpaq sahəsi tam qanunauyğun sənədləşib. Məhkəmənin qərarı ilə torpaq sahələrinin icarə müqavilələrinin ləğv edilməsi barədə Grgan-Pirallahı Bələdiyyəsinin iclas protokolları etibarsız hesab edilib.

Bələdiyyə qərardan apellyasiya məhkəməsinə şikayət olunsa da, həmin məhkəmə instansiyası da şikayəti rədd edib və əvvəlki məhkəmə qərarını qüvvədə saxlayıb. Lakin buna baxmayaraq, torpaq sahəsi barədə mübahisə səngiməyib.

Torpaq sahəsi sahibkardan zorla alınır

Rüfət Vəliyev deyir ki, bir müddət sonra məlum olub ki, həmin ərazi başqa bir adla onlardan alınmaq istəyir. Şikayətçi deyir ki, 2013-cü ildə həmin ərazi dövlət ehtiyacı üçün ayrılmalı olub. Gürgan Pirallahı Bələdiyyəsi ərazisindən 50 hektar torpaq sahəsi “Yüksək Texnoliogiyalar Parkı” tikilməsi üçün ayrılıb. Rüfət Vəliyevin 33 hektar torpaq sahəsi də həmin 50 hektar torpaq sahəsinin daxilində olub: “Mən etiraz etmirəm. Dövlət ehtiyacları üçün ayrılan torpağa mən heç nə deyə bilmərəm. Amma, Bakı şəhər İcra hakimiyyətinin torpaq sahəsinin ayrılması haqqında sərəncamında göstərilir ki, “Yüksək Texnologiyalar Parkı”nın yaradılması üçün ayrılan həmin torpaq sahələrinin sahiblərinə bazar qiymətinə uyğyn kompensasiya ödənilsin. Amma, bununla bağlı “Əjdəkan LTD”yə bu torpaq sahəsinin alınması ilə bağlı nə xəbərdarlıq edilib, nə də kompensasiya ödənilib. Ərazi heç bir əsas olmadan parkın ərazisinə aid edilib. Bundan başqa, torpaq sahəsinə görə müəssisəyə heç bir kompensasiya da ödənilməyib və torpaq sahəsi birbaşa “Yüksək Texnologiyalar Parkı”nı yaratmaq üçün “YT Park”MMC-nin daimi istifadəsinə qanunsuz olaraq verilib.

Çarəsiz qalan Qarabağ əlili Rüfət Vəliyev məsələ ilə bağlı prezident İlham Əliyevə qanuni torpaq sahəsinin zəbt edilməsi və əvəzinin ödənilməməsi barədə məlumat verib. Hazırda Qarabağ əlili 33 hektar torpaq sahəsindən məhrum edilməklə üz-üzə qalıb.

İcra başçısı prezidentin tapşırığına qarşı

Şikayətçi deyir ki, müraciətlərdən sonra Prezident Administrasiyası işə müdaxilə edib və problemin həll edilməsi üçün Pirallahı rayon İcra hakimiyyətinə tapşırıq verib. Amma icra başçısı Vasif İmanov əlil sahibkarın hüquqlarının bərpası əvəzinə ona daha da zərbə vurub. İcra başçısı sahibkara heç bir kompensasiya verməyib.

İcra başçısının müavini Cəlil Mirzəyev Qarabağ əlilinə müraciətində göstərib ki, guya torpaq sahəsinin daimi istifadəyə verilməsi, “Əjdəkan LTD”nin istifadəsində olması barədə heç bir hüququ sənəd yoxdur və buna görə də bu ərazi bələdiyyə balansına keçirilib. İcra başçısının müavini həmin torpaq sahəsinin ayrılması ilə bağlı Bakı şəhər İcra hakimiyyətinin, Xəzər rayon İcra Hakimiyyəti başçısının sərəncamlarını, Dövlət Torpaq və Xəritəçəkmə Komitəsinin kadastr sənədlərini və digər rəsmi sübutları sənəd hesab etməyib.

Hazırda ailəsini həmin torpaq sahəsində əldə etdiyi gəlir hesabına dolandıran Qarabağ əlilinin ailəsini ac qoymaq istəyir.Torpaq Mikayıl İsmayılov tərəfindən zəbt edilibmişAraşdırmalar zamanı məsələ ilə bağlı daha bir fakt ortaya çıxıb. Məlum olub ki, torpaq sahəsi başqa şəxs tərəfindən zəbt edilib. Məlum olub ki, ərazi ARDNŞ-ın vitse-prezidenti Mikayıl İsmayılovun qeyri-qanuni kurasiyasındadır. Torpaq sahəsi də həmin şəxs tərəfindən zəbt edilərək məhv olunub, sahibkarlar isə qanuni ərazisinə buraxılmır.Rüfət Vəliyev torpaq sahəsinin zəbt edilməsilə bağlı Pirallahı rayon Polis Şöbəsinə müraciət edib.Məlum olub ki, sahibkarın müraciət etdiyi polis rəisi məhz Mikayıl İsmayılovun doğma qardaşı Cümşüd İsmayılovdur. Cümşid İsmayılov da qardaşının tərəfini saxlamaq məqsədilə sahibkara rədd cavabı verib və bildirib ki, məsələ ilə bağlı cinayət işi aça bilməz.Hazırda sahibkarın əli hər yerdən üzüldüyündən onun ailəsi acından ölkək təhlükəsindədir.Bütün qanuni sənədlər, məhkəmələr sahibkarın xeyirinə olmasına baxmayaraq, Milkayıl İsmayılov həmin ərazini sahibkara qaytarmaq və ya əvəzini ödəmək istəmir.Məsələ ilə bağlı gələn sayımızda daha maraqlı faktlar açıqlayacağıq.

Növbəti sayımızda sahibkarın 50 hektar zəbt olunmuş ərazisində Mikayıl İsmayılovun oğlunun hoqqabazlıqlarından bəhs edəcəyik. Bizi izləyin.



Şərh yazmağa icazə verilməyib..




Yuxarı Geri Ana səhifə