Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Mahmudov “Mətanət-A” rəhbərindən milyonu necə aldı?
Mahmudov “Mətanət-A” rəhbərindən milyonu necə aldı?
26 Mart 2017 / 11:07 / Baxış sayı: 1868
Font1 Font2 Font3 Font4

“Mətanət-A” şirkətinin prezidenti Elxan Bəşirov barəsində sensasion məlumat əldə etmişik. Verilən xəbərdə iddia olunur ki, şirkət rəhbəri sabiq Milli Təhlükəsizlik Naziri Eldar Mahmudova keçən ilin yayında 1 milyon manat verib. Buna səbəb Lerik rayonuna icra hakimi getməsinə eks-nazirin vasitəçilik etməsi və onun haqqında yuxarılara məruzə etməsi olub. 

Keçən ilin sonuna bu məsələ öz həllini tapmalıydı. Lakin keçən ilin 17 oktyabrında Eldar Mahmudovun işdən çıxarılması nəticəsində bu plan alt-üst olub. Elxan Bəşirov batan 1 milyonuna görə isə səsini çıxarmayıb və başının sədəqəsi sayaraq MTN bəlasından canını qurtarmasına şükür edib.

Məlumatda bildirilir ki, artıq iş soyuyub və MTN məhkəmələri yekunlaşmaq üzrədir. Ona görə E.Bəşirov yenidən fəallaşıb və icra başçısı olmaq üçün çırmanıb. Bu məqsədlə rayon sakinlərini icra başçısı Rövşən Bağırova qarşı qaldırır. Hər ay Elxan Bəşirovun adamları tərəfindən minlərlə şikayət məktubu prezidentə göndərilir.

Elxan Bəşirov qohumlarına 2017-ci ili icra başçısı kimi qarşılayacağını və onları işlə təmin edəcəyini vəd edir. Sual olunur ki, Elxan Bəşirov bu qədər var dövləti necə əldə edib. Politika.Az-ı bilgiləndirən qaynaq iddia edir ki, Elxan Bəşirov Texniki Universitetin prorektoru olan əmisi Bəşir Bəşirovun oğlu, Rəsul Quliyevin ən yaxın dostu Mərhəmət Bəşirovun yanında mühasib kimi işə başlayıb.

Rəsul Quliyev işdən çıxarıldıqdan sonra Mərhəmət Bəşirovun biznesi əlindən alındıqda Elxan Bəşirov əmisi oğluna yalan danışıb, təxminən iki milyon ABŞ dolları çivarında vəsait oğrayıb saxlayıb.

Sonra Elxan Bəşirov bu vəsaiti Lerikin sabiq İcra Hakimi Babəli Ağayevlə birlikdə biznesə qoyub. Bəşirovun adına Zərinqala MMC açılır, qalan vəsaitlə isə Rusiyadan taxta vurub İrana, İrandan isə şüşə vurub Azərbaycan bazarlarına çıxarılır.  Elxan Bəşirov hər şey onun adına olduğuna görə Babəli Ağayevə atıb sonra 2000-ci ilədək həmin pulla Bakı-Sumqayıt şosesinin 13,5-ci km-də yer götürüb Mətanət-A şirkətinin balaca bir kafel-metlax yapışdırıcısı sexini tikib. Bundan sonra Babəli Ağayev Elxan Bəşirovu dəfələrlə məhkəmələrə versə də əlində heç bir sübut olmadığına görə uduzur. 2001-ci ildə Fərhad Əliyev İqtisadi İnkişaf naziri olandan sonra Elxan Bəşirovun işi daha rahat olur.

Bu dəfə Fərhad Əliyevin qardaşı Rafiq Əliyev Elxan Bəşirovun xalasıoğlu Telman Qasımovla ən yaxın dost və tələbə yoldaşı olduqlarına görə hər bir dəstək göstərir. Dövlət hesabına ona güzəştli kreditlər ayrılır.

Bundan başqa İqtisadi İnkişaf Naziri Fərhad Əliyevin dövründə Sahibkarlığın inkişafı departamentinin direktoru Əlihüseyin Şaliyev Elxan Bəşirovla şərik olaraq bütün məsələlərdə Elxan Bəşirova yaxından dəstək olaraq, hətta onu Sahibkarlar Şurasına üzv edir.  2005-ci ildə Fərhad Əliyevin həbsindən, Əlihüseyn Şaliyevinsə intiharından sonra Mətanət-A şirkəti tam olaraq Elxan Bəşirova qalıb. Hətta Fərhad Əliyev və Əlihüseyin Şaliyevin həbsindən sonra onlara qarşı prokurorluq orqanlarında ifadə də verib. Bununla da Elxan Bəşirov o dövrdə artıq gips əsaslı zavod olan Avanqard-N-in əsasını qoyur və həmin zavodu işə salandan sonra daha çox qazanmağa başlayır.

Goranboy rayonu Yuxarıağcakəndə yerləşən gips mədənindən isə qohumu o dövrdə Goranboy rayonunun İcra Hakimi olan Novruz Novruzovun köməkliyi ilə ən yaxşı yeri götürüb. Artıq neçə ildir ki, Elxan Bəşirov ikili mühasibat saxlayaraq vergi orqanlarını aldadaraq onlardan milyonlarla vəsaiti gizlətməyə nail olub. Elxan Bəşirov aldatmağa necə vərdiş edibsə Azərbaycan Respublikasının Prezidenti cənab İlham Əliyevi belə milyonların önündə aldatdı.  Belə ki, 30.01.2016-cı il tarixində cənab Prezidenti yeni Ağ Dağ zavodunun açılışında işçilərinə altı yüz manat verdiyini və mövsümü olaraq beş yüz işsizi işlə təmin etməsini bildirdi.

Bundan sonra əslində zavodda korrupsiyaya qarşı mübarizə idarəsi, prokurorluq və vergilər nazirliyi yoxlamalara başlamalı, cənab Prezidentə yalan danışdığı üçün Elxan Bəşirova cinayət işi açılmalı idi.

Çünki, düşünürdüm Vergilər Nazirliyi, baş prokurorluq, korrupsiyaya qarşı mübarizə idarəsi açıb baxar görüm Elxan Bəşirov vergini hər işçiyə görə altı yüz manata uyğunmu ödəyir, Əmək və Əhalinin Müdafiyəsi Nazirliyi açıb baxar görüm Elxan Bəşirov bu günə kimi beş yüz işçiyə görə ödəmə edibmi, Prezidentin təhlükəsizlik xidməti yoxlayıbmı açılış vaxtı orda olan işçilərin hamısı “Ağdağ”da işləyir ya yox. Mətanət A-nın Ağdağ zavodunda işləyən yerli fəhlələr o qədər narazıdırlar ki, həmin açılışa onları dəvət etməyə qorxan rəhbərlik prezidentin qarşısına öz yaxın adamlarını çıxartmaqla hamını aldadıb.

Mətanət A şirkətində baş verən özbaşınalıqlar, Elxan Bəşirovun korrupsiya əməlləri barədə mətuatda dəfələrlə yazılar yazılsa da görəsən prokuror orqanları həmin yazıları araşdırdımı. Araşdırsaydılar onda Elxan Bəşirovun bir qarın yeməyə görə yüzlərlə çinlini, Suriyadan, İraqdan gətirilmə kürdləri istismar etdiyini, şirkətdəki qara mühasibatlığı, işçilərin işdən çıxarilanda depozitlərinin verilməməsilə yanaşı onlardan zorla şirkətin onlara heç bir borcu olmaması əksinə onların şirkətə borcu olması barədə yazılı kağız almasının, eyni tərkibli məhsulun müxtəlif adlarda buraxılaraq alıcıların aldadılmasının şahidi olardılar.  Yəni marka siyasəti, bir məhsulu reklam edir daha baha satır digərinin adını dəyişir ucuz satır. Əslində isə hər iki məhsulun adları müxtəlif olsada içləri eynidir.  Buna misal Ağdağ, Akdəniz, Şpak-f məhsullarını göstərmək olar. Sual olunar bəs Elxan Bəşirov bu hünəri hardan alır. Buna dair üç amil iddia olunur:

1. Elxan Bəşirov FETO-çüdür və FETO o zaman hələ çox güclü idi. Bu barədə dövrü mətbuatda yazılar çıxsa da sonradan bunlara dövlət tərəfindən bir açıqlama verilmədi.

2. Elxan Bəşirovun həyat yoldaşı Pərvanə Səidi iranlıdır. Pərvanə Səidinin İrandan bir erməni qohumu Martivosyan Elxan Bəşirovla hal-hazırda şərik işləyirlər.

Bunun nəticəsidir ki, Mətanət A şirkətinin məhsulları bu gün Ermənistan bazarlarında Azərbaycandakından qat-qat ucuz qiymətə satlır.

Martivosyan Ukrayna avtoritetləriylə yaxın əlaqələri olduğuna görə Elxan Bəşirov da MDB ölkələrində rahat hərəkət edir.

3. Elxan Bəşirov respublikada görünməyən bir güc tərəfindən qorunur. Bu güc necə gücdürsə hətta cənab prezidentə yalan danışan adamı belə dövlətin güc orqanları məsuliyyətə cəlb edə bilmir.
arxiv.bizimxeber.az


Şərh yazmağa icazə verilməyib..




Yuxarı Geri Ana səhifə