Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

MTN generallarının məhkəməsi başladı – YENİLƏNİB
MTN generallarının məhkəməsi başladı – YENİLƏNİB
19 Yanvar 2017 / 13:54 / Baxış sayı: 660
Font1 Font2 Font3 Font4

Prosesdə təqsirləndirilən şəxslərin anket məlumatları dəqiqləşdirilib.

Bundan sonra general  Sübahir Qurbanovun müdafiəsinə daha iki vəkilin – Azər Tağıyev və Zaur Niftəliyevin qoşulduğu bildirilib. Daha bir vəkil isə Füzuli Əliyevin müdafiəsinə qoşulub.

Yeni qoşulan vəkillər cinayət işi ilə tanış olmadığı üçün məhkəmədən vaxt istəyib.

Hakim vəsatəti qismən təmin edib. Məhkəmənin hazırlıq iclası fevralın 14-ə təyin edilib.

Jurnalistlərə açıqlama verən Sübahir Qurbanovun vəkili İlkin Mustafa bildirib ki, müdafiə etdiyi generalın belində yırtıq var: “Prosesdə hərəkət edərkən müəyyən ağrılar hiss edir. Əməliyyat olunmalıdır”.

11:26

Sabunçu rayon Məhkəməsinin inzibati binasında MTN generalların məhkəməsi başlayıb.

Lent.az-ın məlumatlna görə, generallar Teymur Quliyev, Sübahir Qurbanov və digər vəzifəli şəxslər Penitensiar Xidmət tərəfindən məhkəməyə gəlib. Zamində olan qadın general Natavan Mirvətova da artıq məhkəmədədir.

Bundan əlavə jurnalistlər məhkəmə zalına buraxılmayıb. Girişdə bildiriblər ki, siyahı verilib, həmin siyahıda adı olanlardan başqa heç kim içəri buraxılmır.

Artıq təqsirləndirilən şəxslərin vəkilləri məhkəmə zalına buraxılıb. Proses başlayıb.

09:13

Bu gün ləğv olunmuş Milli Təhlükəsizlik Nazirliyinin sabiq baş idarə və idarə rəisləri – general Sübahir Qurbanov, general Teymur Quliyev, general Natəvan Mirvətova və digər vəzifəli şəxsləri – Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun barəsində olan cinayət işi üzrə məhkəmə başlayır.

Lent.az-ın məlumatına görə, cinayət işi Bakı Hərbi Məhkəməsinin hakimi Həbib Həsənovun sədrliyi ilə Sabunçu rayon Məhkəməsinin inzibati binasında baş tutacaq.

Məhkəməyə hazırlıq iclası bu gün saat 11-ə təyin edilib.

Qeyd edək ki, təqsirləndirilən şəxslər Sübahir Qurbanov, Fizuli Əliyev, Zaur Məmmədov, Natiq Alıyev, Teymur Quliyev, Natavan Mirvətova və qeyrilərinə məxsus ümumilikdə 21 milyon 528 min manat dəyərində əmlak və pul vəsaitlərinin, o cümlədən 20 milyon 971 min manat dəyərində daşınmaz əmlak, 272 min manat dəyərində nəqliyyat vasitələri, 42 min manat dəyərində zərgərlik və digər qiymətli məmulatlar, 88 min manat, 88 min ABŞ dolları və 5 min Avro nağd pul vəsaitləri üzərinə həbslər qoyulub. Təqsirləndirilən şəxslərə Cinayət Məcəlləsinin 145.3 (Qanunsuz azadlıqdan məhrum etmə ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), 178.3.1, 178.3.2 (dələduzluq mütəşəkkil dəstə tərəfindən külli miqdarda ziyan vurmaqla törədildikdə), 179.3.1, 179.3.2 (Mənimsəmə və ya israf etmə mütəşəkkil dəstə tərəfindən külli miqdarda törədildikdə), 181.3.1, 181.3.2 (Quldurluq mütəşəkkil dəstə tərəfindən külli miqdarda əmlak əldə etmək məqsədi ilə törədildikdə), 182.3.1, 182.3.2 (Hədə-qorxu ilə tələb etmə külli miqdarda əmlak əldə etmək məqsədi ilə törədildikdə ), 228.4 (Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə), 302.1, 302.2 (Gizli qaydada informasiya alınması üçün nəzərdə tutulmuş texniki vasitələrdən istifadə edilməklə əməliyyat-axtarış fəaliyyəti haqqında qanunvericiliyi pozma), 311.3.1, 311.3.2, 311.3.3, 311.3.4 (Rüşvət alma qabaqcadan əlbir olan bir qrup şəxs və ya mütəşəkkil dəstə tərəfindən hədə-qorxu tətbiq olunmaqla külli miqdarda və təkrar törədildikdə), 313 (Vəzifə saxtakarlığı), 320.1, 320.2 (Rəsmi sənədləri saxtalaşdırma və bilə-bilə saxta sənədlərdən istifadə etmə), 341.2.1, 341.2.2 və 341.2.3-cü (Bir qrup şəxs tərəfindən silah tətbiq olunmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə ağır nəticələrə səbəb olduqda) maddələri ilə ittihamlar irəli sürülüb. Onların barəsində cinayət işi ayrıca icraata verilib.

arxiv.bizimxeber.az



Şərh əlavə edin




Yuxarı Geri Ana səhifə