Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Nuray Bayramzadənin vəkili KİV-ə müraciət etdi
Nuray Bayramzadənin vəkili KİV-ə müraciət etdi
30 Yanvar 2017 / 19:43 / Baxış sayı: 1464
Font1 Font2 Font3 Font4

Nuray  Bayramzadənin vəkili Balabəy Məlikov  kütləvi  informasiya vasitələrinə   müraciət edib.

NUH.az-a daxil olan  müraciətdə deyilir:  

Bir müddət əvvəl   kütləvi informasiya vasitələrində   Quba Rayon İcra şöbəsinin icra məmurları tərəfindən məhkəmənin qanuni qüvvə almış qətnaməsinin icrası zamanı on bir yaşlı Nuray Bayramzadəyə qarşı zor tətbiq edildiyi görüntüləri ictimailəşdi.

Video görüntülərdən o da görünür ki, icra məmuru uşaq ilə söhbət edərək, ona atası ilə iki gün yaxud bir gün gedib yaşamağı təklif edir. Uşaq Nuray Bayramzadənin öz fikrini aşağıdakı məzmunda tam və dəqiq ifadə etməsi də diqqəti cəlb edir : “ … Yalvarıram məni tanımadığım adama verməyin!!!”  Bundan sonra icra məmurunun müşayəti altında tələbkar Əvəz Bayramov uşağın qolundan tutub onu üzüqoyulu şəkildə yerdə sürütdüyür. İcra məmurları bu işdə tələbkara həm şərait yaradırlar, həm də tələbkara uşağa qarşı zorakılıq hərəkətinin edilməsində köməklik göstərirlər. Bu qısa məzmunlu və artıq hamıya bəlli olan fikirləri qeyd etməklə bildirmək istəyirəm ki, müxtəlif kütləvi informasıya vasitələrində bu hadisə ilə əlaqədar müxtəlif yanaşmalar olmuşdur. Fikir müxtəlifliyinin olması yaxşı haldır. Ancaq bəzi hüquq müdafiəçilərinin kütləvi informasiya vasitələrində baş vermiş hadisədə tərəflərin guya əmlak maraqlarının olduğu kimi mülahizələr söyləməsi tamamilə anlaşılmır. Görəsən hüquq müdafiəçisinin insan hüquqlarına qarşı olan baş vermiş hadisəni tərəflərin əmlak maraqları ilə əlaqələndirməsinin kökündə nə dayanır! Nəyə görə fakta münasibət bildirib, baş vermiş hərəkətin insan hüquqları ilə nə dərəcədə əlaqəli olub-olmaması deyil –məsələyə aid olmayan tamam başqa istiqamətdə fikir ortaya qoyulur!!! Bunun başqaları tərəfindən edilməsi anlaşılandır. Lakin hüquq müdafiəçisinin uşaq hüquqlarının pozulması faktının tərəflərin əmlak davası ilə əlaqələndirməsi və uşağın ana bildiyi Mehriban Eldarovanın bu işdə əmlak marağının olması kimi informasiyanın yayılması özlüyündə yol verilməzdir. Bu informasiya hüquq müdafiəçiləri tərəfindən yayılırsa, bu hal pis niyyətlərdən xəbər verir. Odur ki, sənədlər və faktlar əsasında deyilənlərə aydınlıq gətirmək zərurəti yaranır.

– Nuray Bayramzadənin anası Rübabə Xudaverdiyeva 14.02.1976-cı ildə anadan olmuşdur. 

– Quba Rayon İcra Hakimiyyəti Başçısının Alekseyevka inzibati ərazi vahidi tərəfindən 16.03.1996-cı il tarixdə verilmiş 24 saylı sərəncam əsasında Rübabə Xudaverdiyeva üçün ayrılmış torpaq sahəsində verilmiş layihə əsasında fərdi evin tikintisinə icazə verilib. Fərdi ev 1997-ci ildə inşa edilib (bu zaman R.Xudaverdiyeva subay olub).

–  Quba Rayon Aqrar İslahat Komissiyasının 24.02.2000-ci il tarixli 02 saylı qərarı ilə fərdi ev və qeyd olunan torpaq sahəsi R.M.Xudaverdiyevanın mülkiyyətinə verilib (bu zaman R.Xudaverdiyeva subay olub). 

– Xudaverdiyeva (Bayramova) Rübabə Mustafa qızı ilə Bayramov Əvəz Əjdər oğli 31.12.2004-cü ildə 384 saylı akt qeydi ilə rəsmi nikaha daxil olublar. 

–  R.M.Xudaverdiyeva (Bayramova) ilə Ə.Ə.Bayramov cütlüyünün 11 noyabr 2006-cı il tarixdə Nuray adlı uşaqları anadan olmuşdur. 

 – Binəqədi Rayon Məhkəməsinin 07.02.2008-ci il tarixli 2(001)-513 saylı qətnaməsindən görünür ki, R.Xudaverdiyevanın iddiası əsasında tərəflər arasında nikah ləğv edilmişdir. 

 – Qətnamədən görünür ki, Əvəz Bayramov 9-cu mkr, M.Cəlal küçəsi 145 ünvanda yaşayıb, R.Xudaverdiyeva Quba rayonunda yaşayıb. 

 – 20 may 2008-ci il tarixdə Ə.Bayramov ilə R.Xudaverdiyeva arasındakı nikahın pozulması haqqında şəhadətnamə (AZ-I № 095722) əsasında nikah ləğv edilmişdir. 

  – Əvəz Bayramov Bakı şəhərində faktiki olaraq yaşamış və işləmişdir (bax. Sumqayıt Apellyasiya Məhkəməsinin qətnaməsi 28.08.2012-ci il № 468). Ə.Bayramov başqa xanımla faktiki nikahda olmaqla 21.05.2010-cu ildə həmin xanımla rəsmi nikaha daxil olmuş, bu nikahdan 25 noyabr 2009-cu il tarixdə E.Bayramzadə adlı uşağı olmuşdur. 

 – Əvəz Bayramov 06.06.2008-ci ildən etibarən Bakı şəhərində 5 saylı doğum evində həkim anestezioloq-reanimatoloq vəzifəsində çalışır. 

 – Nurayın anası Rübabə Xudaverdiyeva ankoloji xəstə olduğundan onun müəyyən müddət ömrünün uzadılması üçün kimyəvi müalicə almaq zərurəti olduğundan,  bacısı Mehriban Eldarova öz evini iyul 2010-cu ildə satıb bacısının kimyəvi müalicə almasını təmin edib. 

– Rübabə Xudaverdiyeva doğma bacısının hərəkətlərinə biganə qalmayaraq özünə məxsus nikahdan əvvəl əldə etdiyi, valideynlərinin və qohumlarının vəsaiti hesabına 1997-ci ildə tikdirdiyi fərdi evi notarial qaydada 11 iyul 2010-cu il tarixdə bacısı Mehriban Eldarovaya bağışlamışdır. Bağışlama müqailəsi rəsmiləşdirilərkən notarius AR MM-nin 666-674-cü maddələrinin məzmununu tərəflərə izah etmişdir. Rübabə Xudaverdiyeva 06 oktyabr 2010-cu ildə rəhmətə getmişdir.Bağışlama müqaviləsi əsasında fərdi yaşayış evi 06.08.2011-ci il tarixdə Mehriban Eldarovanın adına dövlət reyestrində qeydə alınmışdır. 

Yuxarıda qeyd olunan sənədlərin mahiyyəti və həmin sənədlərin verilmə tarixləri və sair faktiki hallara bəzi hüquq müdafiçilərinin diqqət yetirmələrini arzu etməklə, onlardan hüquqi əsası omayan yanlış fikirləri səsləndirməkdənsə, qüvvədə olan qanunvericilik aktları əsasında hüquqları müdafiə etmələrini, bunu bacarmadıqda reklam xatirinə ictimai fikirlərdə çaşqınlıq yaratmamalarını xahiş edirəm.

arxiv.bizimxeber.az



Şərh əlavə edin




Yuxarı Geri Ana səhifə