Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Əli Həsənov məcburi köçkünlərlə bağlı yeni fərmandan danışdı: “Bilinirdi”
Əli Həsənov məcburi köçkünlərlə bağlı yeni fərmandan danışdı: “Bilinirdi”
15 Fevral 2017 / 11:52 / Baxış sayı: 998
Font1 Font2 Font3 Font4

Qaçqın və məcburi köçkünlərin işləri üzrə Dövlət Komitəsinin sədri Əli Həsənov ölkə prezidentinin dünən imzaladığı “Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında” fərmana dəyişiklik edilməsi barədə fərmanı şərh edib.

arxiv.bizimxeber.az-ın AzTV-nin “Xəbərlər” proqramına istinadən məlumatına görə, komitə sədri deyib ki, Fərmanın 1.2-ci hissəsinin 1-1.-ci bəndinə əsasən, sayğacların quraşdırılması texniki baxımdan mümkün olmayan yerlərdə həm elektrik enerjisinə, həm qaza, həm də suya görə ödəniş 2017-ci ilin 1 yanvarından “Qaçqınkom” tərəfindən əvvəlki qaydada və əvvəlki limitə uyğun olaraq ödəniləcək.

Elə yerlər var ki, orda qaz da, elektrik enerjisi də, su da var, sadəcə onlar texniki baxımdan elə bir vəziyyətdədir ki, ora yaxın günlərdə texniki baxımdan sayğac quraşdırmaq qeyri-mümkündür. Söhbət yataqxanalardan, pansionatlardan, yarımçıq tikililərdən gedir.

Ə. Həsənov deyib ki, Fərmanın növbəti bəndi qaz olmayan yerlərdə məskunlaşan məcburi köçkünlərə aiddir: “Nazirlər Kabineti 3 gün ərzində limitləri müəyyənləşdirəcək və 15 gün ərzində qazlaşdırma proqramını və Azərbaycan prezidentinin  fərmanlarının bu fərmana uyğunlaşdırılmasına dair təkliklərini ölkə başçısına təqdim edəcək. Elektrik enerjisinə görə limit müəyyənləşəcək və bu limit də “Qaçqınkom” tərəfindən mərkəzləşmiş qaydada “Azərişığ”a ödəniləcək. Bu zaman elektrik enerjisinə görə limit dəyişəcək, çünki bu obyektlərdə qaz yoxdur, tam sərfiyyat olur. Su, qaz isə yenə əvvəlki qaydalara uyğun mərkəzləşmiş qaydada ödəniləcək”.

Komitə sədrinin sözlərinə görə, bu işi başa çatdırmaq üçün “Qaçqınkom”, yerli icra hakimiyyətləri, işğal altındakı icra hakimiyyətləri və kommunal xidmət təşkilatları ciddi işləməlidir: “Bu qəbildən olan insanların kompakt yaşadıqları obyektlərin sayı, ünvanı, adı, orda yaşayan əhalinin ümumi sayı var, amma əvvəlki qaydada 20 manat ödəmək üçün çox qısa müddətdə müvafiq qurumlar komitəyə adlı siyahı təqdim etməlidir. Heç kimdə belə bir fikir formalaşmasın ki, nə üçün 20 gündən sonra fərmanda dəyişiklik oldu.

Bu dəyişiklik olacağı bilinirdi, dekabr ayında ölkə başçısı tərəfindən tapşırıq verilmişdi ki, yanvar ayında monitorinq aparılsın. Biz bu monitorinqi apardıq, sərfiyyat müəyyənləşdi. Biz artıq bilirik, bir adam və bütün ailə kommunal xidmətlərə görə nə qədər sərfiyyat edib. Prezident bunların hamısını yoxlayandan sonra yenidən məcburi köçkünlərə doğru bir addım atdı”.

Qeyd edək ki, məcburi köçkünlərdə fərmana dair hansısa sual yaranarsa, onlar Komitənin 4312907, 4315159, 4300922, 5308237, 4300923 telefonlarına zəng edə bilərlər.

arxiv.bizimxeber.az



Şərh yazmağa icazə verilməyib..




Yuxarı Geri Ana səhifə