Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Azərbaycanda açıq-aşkar marixuana satılır – VİDEO
Azərbaycanda açıq-aşkar marixuana satılır – VİDEO
25 Fevral 2017 / 9:54 / Baxış sayı: 758
Font1 Font2 Font3 Font4
Azərbaycanda bir elan saytında narkotik maddə satılır. 
arxiv.bizimxeber.az “Xəzər Xəbər”ə istinadən xəbər verir ki, “yüksək keyfiyyətli marixuana” başlıqlı elan yerli saytlardan birində yerləşdirilib. Elanda xərçəng və oynaq ağrıları  üçün “morfi” effekti verən psixotrop maddələr də təklif olunur. Buna istənilən şəxs, 400 manata yaxın pul ödəməklə sahib ola bilər.
Elana yazılmış telefon nömrəsinin kodu Kameruna aiddir. Ancaq həmin ölkənin vətəndaşı olduğu güman edilən satıcı ingiliscə yazdığı elanında narkotik maddəni dünyanın istənilən ölkəsinə çatdırılmanın mümkün olduğunu qeyd edib. “Skype” və elektron poçt  ünvanını da elana əlavə edib. Gün ərzindəki bütün cəhdlərimizə baxmayaraq, elanı yerləşdirən şəxslə əlaqə saxlaya bilmədik.
Narkotik satışına dair elan yanvarın 23-dən, yəni 1 aydan çoxdur həmin saytdadır. Bu müddət ərzində elanın silinməməsi saytda redaktənin olmadığını göstərir. Mütəxəssislərə görə, saytda yer alan bu hal qeyri-peşəkarlıqdan xəbər verir. Elan saytlarının bu cür idarə edilməsi doğru deyil.
Azərbaycan qanunvericiliyinə görə,  hər hansı platforma vasitəsi ilə narkotik vasitələrin və psixotrop maddələrin satışı qadağandır. Fəaliyyət növləri mövcud qanunvericilik əsasında idarə olunmalıdır. Əks halda həmin şəxsin və ona köməkçi olanların məsuliyyətə cəlb olunması qaçılmazdır.
Cinayət  Məcəlləsinə görə bu insanlar 3 ildən 7 ilə qədər azadlıqdan məhrum edilmə cəzasına məhkum edilə bilərlər. Satış külli miqdarda olduqda, daha ağır cəzanın tətbiqi həyata keçirilə bilər. Elan saytlarına gəldikdə isə, ya mexaniki, ya da avtomatik redaktə sistemindən istifadə etməsi məsləhətdir. Əks halda narkotik satışına dair elan yerləşdirilə biləcək digər arzuolunmaz təbliğat və ticarət növlərinin yanında toya getməli ola bilər.
 
arxiv.bizimxeber.az


Şərh yazmağa icazə verilməyib..




Yuxarı Geri Ana səhifə