Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Bakıda bataqlıq kimi yollar – “Pul yoxdur deyə, asfaltlanmır…”/ FOTO
Bakıda bataqlıq kimi yollar – “Pul yoxdur deyə, asfaltlanmır…”/ FOTO
27 Fevral 2017 / 16:26 / Baxış sayı: 1556
Font1 Font2 Font3 Font4
Bakı şəhəri, Suraxanı rayonu, Yeni Suraxanı qəsəbəsində yollar bərbad gündədir.  
Bu barədə BakiPost.az-a qəsəbənin 9-cu döngəsində yaşayan sakinlər məlumat veriblər. Şikayətçilər payız və qış aylarında qəsəbə yollarının bataqlığa çevrilməsindən əziyyət çəkdiklərini dilə gətiriblər.
Qeyd ediblər ki, yaşadıqları ərazidə küçənin asfatlanması üçün lazımi qurumlara dəfələrlə şikayət məktubu yazıblar, lakin onlara hər dəfə eyni cavab verilib: “Hər zaman ünvanladığımız məktuba Suraxanı rayon İcra Hakimiyyətində baxılır. İcra hakimiyyətindən yazıb bildirirlər ki, qaldırılan məsələ ilə bağlı prezident İlham Əliyevin 17 yanvar 2014-cu il tarixli 232 nömrəli sərəncamı ilə təsdiq edilmiş “2014-2016-ci illərdə Bakı şəhərinin və qəsəbələrinin sosial-iqtisadi inkişafına dair Dövlət Proqramı”nın həyata keçirilməsi üzrə Tədbirlər Planında nəzərdə tutulmuş və işlər Bakı Şəhəri İcra Hakimiyyəti tərəfindən plana uyğun şəkildə həyata keçiriləcək. Lakin nə bir yol çəkən var, nə də baxan. İşə gedənimiz var, məktəbə gedən uşaqlarımız var, hamımız bu özbaşınalıqdan bezmişik. Deyirlər, çəkiləcək. Nə vaxt çəkiləcək? 2017-ci ildə yaşayırıq, amma gedib gəldiyimiz yollara baxsanız elə bilərsiniz ki, 17-ci əsrdəyik. Şikayətlərimizə də eyni cavabların verilməsindən bezmişik”.
Suraxanı rayon İcra Hakimiyyətinin İctimai-siyasi və humanitar məsələlər şöbəsinin müdiri Barxudar Barxudarov məsələ ilə bağlı BakiPost.az-a açıqlamasında bildirib ki, məhəllədaxili yolların asfaltlanması işləri maliyyə çatışmazlığı səbəbindən dayandırılıb: “Məhəllədaxili yolların asfaltlanması prezidentin qəbul etdiyi dövlət proqramında nəzərdə tutulmuşdu. Hələlik maliyyə vəsaiti olmadığına görə bu işlər dayandırılıb. Mərkəzi yollarla bağlı vəsait “Azəravtoyol” ASC-yə, məhəllədaxili yollar üçün isə Bakı Şəhər İcra Hakimiyyətinə ayrılır. Orada da Mənzil Kommunal Təsərrüfatı Departamenti o işləri görür. O yolların bərpası işləri  “2014-2016-ci illərdə Bakı şəhərinin və qəsəbələrinin sosial-iqtisadi inkişafına dair Dövlət Proqramı”na salınıb. Proqramın vaxtı bitib, lakin ləğv edilməyib. Ona görə də adlarını çəkdiyim qurumlara vəsait ayrılan kimi, onlar da öz işlərini görəcəklər”. 
Sakinlər isə illərlə aldadıqları fikrindədirlər. Ona görə də yaxın günlərdə məsələ ilə bağlı ölkənin birinci vitse-prezidentinə şikayət edəcəklərini bildiriblər: “Mehriban xanım Əliyevadan hər şeydən əvvəl işlərinə məsuliyyətsiz yanaşan və bununla da vətəndaşları dövlətdən narazı salan məmurların cəzalandırılmasını xahiş edəcəyik”.
arxiv.bizimxeber.az


Şərh yazmağa icazə verilməyib..




Yuxarı Geri Ana səhifə