Загрузка...
Xəbər lenti



Загрузка...

Ziya Məmmədov Novruz bayramını kənddə qeyd etdi – “Hər şey əladır”
Ziya Məmmədov Novruz bayramını kənddə qeyd etdi – “Hər şey əladır”
23 Mart 2017 / 14:03 / Baxış sayı: 822
Font1 Font2 Font3 Font4
Prezident İlham Əliyevin müvafiq sərəncamından sonra işsiz qalan sabiq nəqliyyat naziri Ziya Məmmədov Novruz bayramını ailəsi ilə birlikdə doğulub, boya-başa çatdığı Ucar rayonunun Qazıqumlaq kəndində yerləşən ata yurdunda qeyd edib.
Bu barədə unikal.org-a eks-nazirin qardaşı, sabiq deputat Elton Məmmədov məlumat verib. O bildirib ki, Ziya müəllim rayonda olduğu üçün biz də onun başına toplaşaraq Novruz bayramını birlikdə qeyd etdik.
E.Məmmədov deyib ki, hazırda Ziya müəllim özünü yaxşı hiss edir: “Ziya müəllim özünü yaxşı hiss edir və səhətinə heç bir problem yoxdur. Hər şey əladır. Bayramı ailələrimizlə, kənd camaatı ilə birlikdə qeyd etdik. Hər şey gözəldir, əladır”.
Eks deputat qardaşı nazir vəzifəsindən çıxarıldıqdan sonra YAP-dan da xaric olunması ilə bağlı dedi-qodularda münasibət bildirib: “Bu cür məlumatlar yalandır. Deyilənlər doğru deyil”.
E.Məmmədov mətbuata da müraciət edib: “Qardaşım Ziya Məmmədovla bağlı məndən heç kim heç nə soruşmasın. Hər kəsin öz həyat tərzi var. Kimin mənimlə bağlı sualı varsa buyurub bunu deyə və yaxud soruşa bilər. Kimsə kimisə yerinə cavabdeh deyil. Həmdə Ziya müəllim kiminsə onun haqqında danışmasını da xoşlamır. Bu həmdə etik baxımından düzgün deyil”.
arxiv.bizimxeber.az


Şərh yazmağa icazə verilməyib..




Yuxarı Geri Ana səhifə