Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Dağıstanda etiraz edən sürücülər mühasirəyə alındı – VİDEO
Dağıstanda etiraz edən sürücülər mühasirəyə alındı – VİDEO
01 Aprel 2017 / 13:00 / Baxış sayı: 1362
Font1 Font2 Font3 Font4

Dağıstanın Manas qəsəbəsi yaxınlığında “Platon” sisteminə qarşı etiraz edən sürücülərin genişmiqyaslı tətili keçirilir. Polislər və ordu hissələri aksiyada iştirak edən sürücüləri mühasirəyə alıblar. Manas-Mahaçqala avtomobil yolu güc strukturları tərəfindən bağlanıb.

arxiv.bizimxeber.az Virtualaz.org-a istinadən xəbər verir ki, bu barədə Rusiya Daşıyıcılar Birliyinin üzvləri məlumat veriblər.

Onların sözlərinə görə, polislər etiraz edənləri mühasirəyə alıblar, sürücülərin mobil rabitəsi bloklanıb.

“Kavkazskiy uzel” aksiya iştirakçılarına istinadən yazır ki, bu gün onlar tərəfindən Mahaçqalaya qədər planlaşdırılmış avtomobil yürüşü təhdidə məruz qalıb.

“Exo Moskvı vı Peterburqe” radiostansiyasının jurnalisti Arseni Vesnin öz “YouTube” kanalında polislərin sürücüləri necə əhatəyə almasını əks etdirən videogörüntü paylaşıb.

Daşıyıcıların Peterburqdakı koordinatoru Anatoli Şilov bildirib ki, qoşunlar etiraz edənləri yol boyunca düzülmüş texnika ilə mühasirəyə alıblar. Hərbçilər artıq bir neçə saatdır ki, əraziyə heç kimi buraxmırlar.

“Həmin ərazidə hüquq-mühafizə orqanlarının təxminən 200 əməkdaşı, Xüsusi Təyinatlı Polis Dəstəsinin üzvləri var. Bizim yolumuzu kəsiblər və təxminən dörd saata yaxındır ki, burada hərəkətsiz qalmışıq. Hərbi qüvvələr qalxanlarla silahlanıb və maskalıdırlar”, – deyə fəallardan biri bildirib.

Qeyd edək ki, Rusiya ərazisində “Platon” sistemi tətbiq olunmağa başlayıb. Sürücülər də bu sistemə etiraz edirlər. “Platon” sistemi ilə maksimum kütləsi 12 tondan çox olan yük maşınlarından ödənişlər alınması nəzərdə tutulur.

Onu da xatırladaq ki, daha əvvəl Azərbaycandan onlarla sürücü tətil edənlərin hücumuna məruz qalmışdılar.

arxiv.bizimxeber.az



Şərh əlavə edin




Yuxarı Geri Ana səhifə