Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

“Çox yalvardılar, çəkiləndən sonra isə…” – Rasim Balayev od püskürdü
“Çox yalvardılar, çəkiləndən sonra isə…” – Rasim Balayev od püskürdü
07 Aprel 2017 / 13:50 / Baxış sayı: 686
Font1 Font2 Font3 Font4
Uzun fasilədən sonra xalq artisti Rasim Balayev yeni filmə çəkildi. Amma təəssüflər olsun ki, filmin qala gecəsində sevimli aktyoru görmədik.
Filmin rejissoru Elvin Əhmədov yeniçağ.az-a açıqlamasında aktyorun təqdimata gəlməməsini belə izah edib: “Rasim Balayev çox istəyirdi ki, bu filmin qala gecəsinə qatılsın. Amma onun səhhəti ilə bağlı ciddi problemlər yaranıb. Buna görə də aktyor gələ bilmədi”. 
Qeyd edək ki, “Sara” adlı filmin rejissoru Elvin Əhmədov, ssenari müəllifi Fərəc Süleymanov, operatoru Ruslan Ağazadə, baş prodüseri Cəmil Cəfərovdur.
Filmdə xalq artisti Rasim Baleyev, əməkdar artistlər Qurban İsmayılov, Fuad Osmanov, Duyğu Dəvəli, Zarina Qurbanova, Cəmil Cəfərov, Elvin Əhmədov və başqaları çəkilib. O da məlum olub ki, ekran işi 100 min manata ərsəyə gəlib.
Xalq artisti Rasim Balayev yeniçağ.az-a açıqlamasında qala gecəsinə gəlməməsini səhhətindəki narahatlıqla izah edib: “Belimdə ağrılar vardı, istəmədim belə vəziyyətdə gəlim. Həm də axsaya-axsaya səhnəyə çıxmaq mənə yaraşmaz”.
Aktyor filmə çəkilməsindən də danışıb: “Mən əslində o filmə çəkilmək istəmirdim. Gəldilər, yalvardılar, dostlarımı minnətçi saldılar. Qonorara çatanda dedilər çəkil, amma pulumuz yoxdur. Mən də dedim bu necə olur, dilənçixana-zaddır bəyəm? Əgər pulunuz yoxdursa, nə vacibdir film çəkirsiniz? Nə isə axırda razılıq verdim. Qonorarın miqdarı barədə isə heç danışmağa dəyməz. Necəydi, film xoşunuza gəldimi?”
Xalq artistinin sualına cavab olaraq bildirək ki, təqdimatı keçirilən “Sara”ya məhz onun roluna görə baxmaq olar. Amma bu yerdə bir məsələ qaranlıq qalır: 100 minə başa gələn filmdə Rasim Balayevin zəhməti niyə cüzi qiymətləndirilib? Sonra da deyirlər sənətkarlar filmlərdən imtina edir.
arxiv.bizimxeber.az


Şərh yazmağa icazə verilməyib..




Yuxarı Geri Ana səhifə