Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

“Ödənişli imtahanlar ərizə verənlərin sayının azaldıb”
“Ödənişli imtahanlar ərizə verənlərin sayının azaldıb”
07 Aprel 2017 / 17:55 / Baxış sayı: 324
Font1 Font2 Font3 Font4

Dövlət İmtahan Mərkəzi (DİM) Direktorlar Şurasının növbəti iclası keçirilib.

DİM-dən APA-ya verilən xəbərə görə, iclasda ali təhsil müəssisələrinin və AMEA-nın magistraturalarına və rezidenturaya, ali və orta ixtisas təhsili müəssisələrinə elektron ərizə qəbulu, dövlət qulluğuna qəbulla bağlı mövcud problemlər və digər cari məsələlər müzakirə olunub.

Şura üzvləri ilkin olaraq DİM-in internet saytına daxil olub, elektron ərizə qəbulu səhifəsində real vaxt rejimində dəyişən statistik məlumatlarla tanış olublar. Qeyd olunub ki, tətbiq olunan proqram təminatı kütləvi informasiya və ictimaiyyət nümayəndələrinə imkan verir ki, günün istənilən vaxtı ərizə qəbulunun gedişatı haqqında məlumat əldə edə bilsinlər.

Daha sonra şura üzvlərinə magistratura və rezidenturaya ərizə qəbulunun başa çatması, ötən illə müqayisədə magistraturaya ərizə verənlərin sayının nisbətən azalması haqqında məlumat verilib. Rezidenturaya qəbul olmaq üçün müraciət edənlərin sayı isə cüzi azalıb. İclas iştirakçılarının diqqətinə 2016-cı və 2017-ci illərdə ərizə vermiş namizədlər barədə müqayisəli statistik məlumatlar təqdim olunub. Şura üzvləri məsələ ətrafında müzakirə apararkən qeyd ediblər ki, şübhəsiz imtahanların ödənişli olması ərizə verənlərin sayının azalmasına səbəb olan amillərdən biridir. Lakin eyni zamanda bildirilib ki, əvvəllər imtahanda iştirak üçün tələb olunan məbləğ simvolik idi (2 manat) və buna görə də namizədlərin müəyyən hissəsi hazırlıqlı olmasa belə, qeydiyyatdan keçirdi və ya qeydiyyatdan keçib imtahana gəlmirdilər. Ötən il magistraturaya qəbul imtahanının birinci mərhələsində iştirak etmək üçün qeydiyyatdan keçmiş bakalavrlardan 1695 nəfəri imtahana gəlməyib. İmtahanın ikinci mərhələsində isə tələb olunan müsabiqə şərtlərini ödəyən və imtahanda iştirak etmək hüququ olanların sayı 9061 nəfər olub. Onlardan da 432 imtahanın ikinci mərhələsinə gəlməyib. Beləliklə, ötən il qeydiyyatdan keçmiş 24110 bakalavrdan cəmi 8629 nəfəri imtahanın ikinci mərhələsində iştirak edib. Qeyd olunanlara əsasən, bu il daha bilikli, öz potensialına güvənən, magistratura səviyyəsində təhsilini davam etdirmək üçün aydın məqsədi və istəyi olan namizədlərin ərizə qəbulunda iştirakı gözlənilirdi və bu qeydiyyatdan keçənlərin sayının ötən ilə nisbətən az olmasını şərtləndirən əsas amillərdəndir.

Magistraturaya qəbul olan oğlanlara təhsil müddətində hərbi möhlət hüququnun verilməsi amili bu il magistraturaya ərizə verənlərin arasında oğlanların sayının (faiz nisbətində) çoxalmasına səbəb olduğu vurğulanıb.

Dövlət qulluğuna qəbulla əlaqədar mövcud vəziyyət barədə çıxış edən DİM Direktorlar Şurasının sədr müavini B. Xəlilov qeyd edib ki, dövlət qulluğu sahəsində müəyyən normativ-hüquqi aktların təsdiqi bizdən asılı olmayan səbəblərdən gecikir. Ona görə də, dövlət orqanlarından mütəmadi vakansiyalar barədə məlumatlar daxil olmasına baxmayaraq dövlət qulluğuna qəbul prosedurlarını layihələndirmək və həyata keçirmək hələlik mümkün deyil.

İclasda digər cari məsələlər də müzakirə edilib.

arxiv.bizimxeber.az



Şərh əlavə edin




Yuxarı Geri Ana səhifə