Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Qazaxıstan latın əlifbasına keçir – Nazarbayev sərəncam imzaladı
Qazaxıstan latın əlifbasına keçir – Nazarbayev sərəncam imzaladı
12 Aprel 2017 / 13:08 / Baxış sayı: 252
Font1 Font2 Font3 Font4

“2018-ci ildən Qazaxıstan məktəblərində yeni əlifbanın tədrisi ilə bağlı mütəxəssislər hazırlamaq lazımdır və orta məktəblər üçün dərs kitabları çap olunmalıdır”. Bunu Qazaxıstan prezidenti Nursultan Nazarbayev “Egemen Qazzaxıstan” (“Müstəqil Qazaxıstan”) qəzetində dərc olunan məqaləsində bildirib.

“Biz latın əlifbasına keçid dövrünə hazırlığa başlayırıq. Hökumət latın yazılı qazax dilinə keçmək üçün qrafik tərtib etməlidir. Alimlər və ictimaiyyətin təmsilçiləri ilə məsləhətləşmələrdən sonra 2017-ci ilin sonunadək latın qrafikalı yeni qazax dili əlifbasının vahid standartını hazırlamalıyıq”, – deyə dövlət başçısı vurğulayıb.

Prezidentin yazdığına görə, ilk dövrlərdə ölkədə latın əlifbası ilə yanaşı kirilcədən də istifadə ediləcək: “Qazaxıstanda 1929-1940-cı illərdə latın əlifbasından istifadə edilib. 1940-cı il noyabrın 13-də qazaxcanın latın yazısından rus dili qrafikası əsasında kiril əlifbasına keçilməsinə dair qərar qəbul edilib. Beləliklə bu dəyişiklik siyasi xarakter daşıyırdı”.

Qeyd edək ki, 1929-1940-cı illərdə Qazaxıstanda istifadə edilmiş latın əlifbası “Yanalif” və ya “Yeni türk əlifbası” adlanırmış. Bu əlifba keçmiş SSRİ-də xüsusi komitə tərəfindən hazırlanmışdı. Qazaxıstanın yenidən latın əlifbasına keçməsi məsələsi ölkə prezidentinin təşəbbüsü ilə 2007-ci ildə müzakirə edilir.

arxiv.bizimxeber.az



Şərh əlavə edin




Yuxarı Geri Ana səhifə