Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

“Sovetski”də söküləcək məscid üçün iki yer təklif edildi
“Sovetski”də söküləcək məscid üçün iki yer təklif edildi
14 Aprel 2017 / 18:43 / Baxış sayı: 518
Font1 Font2 Font3 Font4

Həmin ərazilərin ünvanları baş nazirin müavini Yaqub Eyyubova təqdim edilib

Bakı şəhər Yasamal rayon İcra Hakimiyyətinin başçısı İbrahim Mehdiyev İstiPress-ə bildirib ki, “Sovetski”dəki söküləcək Hacı Cavad Məscidinin yenidən inşası üçün Yasamal ərazisində iki yer təklif edib.

İ.Mehdiyevin dediyinə görə, həmin ərazilərin ünvanları baş nazirin müavini Yaqub Eyyubova təqdim edilib.

İcra başçısı onu da deyib ki, məscidin inşa ediləcəyi ərazinin müəyyənləşməsinə gələn həftə Yaqub Eyyubovun ölkə rəhbərliyi ilə məsləhətləşməsindən sonra qərar veriləcək.

“Prezidentin ictimai-siyasi məsələlər üzrə köməkçisi Əli Həsənov da bu məsələ ilə bağlı çıxışında dövlətin dinə nə qədər gözəl münasibəti olduğunu açıq-aydın söylədi. Məgər Qafqazdakı ən böyük məscidi dövlət tikmədi? Tarixi abidə və məscid kimi adı olmayan binaya görə artıq-əskik danışmaq olar?”, – deyə İ.Mehdiyev bildirib.

İstiPress-in etibarlı mənbələrdən əldə etdiyi məlumata görə, təklif edilən yerlər arasında Yeni Yasamal yoxdur.

Xatırladaq ki, aprelin 12-də “Hacı Cavad” məscidinin sökülməsi cəhdi etirazlara səbəb olub. Məscidin sökülməsi xəbərindən narahat olan insanlar binanın ətrafına toplaşıblar.

Ərazidə yüzlərlə sakin toplaşıb, post-patrul avtomobilləri də məscidin ətrafını sarıb. Sakinlər deyiblər ki, yaxınlıqdakı “Hacı Əbdülrəhimbəy Qulubəyov” məscidi bu yaxınlarda gecə ilə qəfil sökülüb, bu səbəbdən “Hacı Cavad” məscidinin də qəfil söküləcəyi onları narahat edib.

Həmin gün baş nazirin müavini Yaqub Eyyubov və Yasamal rayon İcra Hakimiyyətinin başçısı İbrahim Mehdiyev hadisə yerinə gəlmiş, İ.Mehdiyev “Hacı Cavad” məscidinin söküntüsünün müvəqqəti dayandırıldığını bildirmişdi. Qeyd edək ki, Azərbaycan prezidenti İlham Əliyev məscidin sökülməsi ətrafında yaranan vəziyyəti araşdırmaq üçün xüsusi komissiyanın yaradılması barədə tapşırıq verib.

arxiv.bizimxeber.az



Şərh əlavə edin




Yuxarı Geri Ana səhifə