Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Cənubi Azərbaycanda daşqın – ölü sayı artır – YENİLƏNİB – VİDEO
Cənubi Azərbaycanda daşqın – ölü sayı artır – YENİLƏNİB – VİDEO
15 Aprel 2017 / 14:28 / Baxış sayı: 820
Font1 Font2 Font3 Font4

İranın Şərqi Azərbaycan və Kürdüstan əyalətlərində sel nəticəsində ölənlərin sayı 35-ə yüksəlib.

APA-nın Tehran bürosunun məlumatına görə,  İranın şimal-qərbində baş vermiş təbii fəlakət nəticəsində daha bir neçə nəfər itkin düşüb.

Ölənlər Kirmanşah əyalətinin, Şərqi Azərbaycan əyalətinin Azərşəhr və Əcəbşir şəhərlərinin sakinidir.

İran prezidenti təbii fəlakət bölgəsinə xüsusi nümayəndələr göndərib.

Təbriz şəhərində də sel evlərə ziyan vurub.

İranın Qərbi Azərbaycan əyalətinin Urmiya şəhərində sel bir neçə körpünü dağıdıb, bir neçə kəndin əhalisi evakuasiya olunub.

Ölü və itkin sayının artacağı ehtimal olunur.

***

Güclü yağış nəticəsində Şərqi Azərbaycan vilayətinin bir neçə şəhərini sel basıb, nəticədə onlarla insan ölüb və ya itkin düşüb.
arxiv.bizimxeber.az axar.az-a istinadən xəbər verir ki, bu barədə Şərqi Azərbaycan Valiliyi Böhran Müdiriyyəti Şöbəsinin rəisi Xəlil Sai danışıb. X.Sai vilayətin digər şəhərlərində təbii fəlakətin fəsadlar törətdiyini vurğulayıb:
“Azərşəhrdə 7 avtomobil sel-daşqın sularının altında qalıb, hazırda itkin düşən avtomobil sərnişinləri axtarılır. Təbii fəlakət Marağa, Binab və Sarab şəhərlərində də baş verib, lakin ən çox Əcəbşer və Azərşəhr şəhərlərinə ziyan dəyib”.
X.Sainin sözlərinə görə, təbii fəlakət nəticəsində bölgəyə dəymiş maddi ziyanın həcmi hələlik məlum deyil.
Azərşəhr Qızıl Aypara Cəmiyyətinin rəisi isə bildirib ki, xilasedicilər 3 nəfəri seldən qurtarıb, sular altında qalan “Pejo” markalı avtomobilin 3 sərnişininin axtarışı isə davam edir.
Azərşəhr İcra Hakimiyəti başçısı Allahyari deyib ki, Azərşəhr, Qoqan, Mamaqan, Teymurlu və ətraf kəndlər daşqın sularının mühasirəsindədir: “Sel Azərşəhrin Qələzar məntəqəsində bir neçə avtomobili aparıb. Ölənlər barəsində hələlik dəqiq məlumat yoxdur. Xilasedici qruplar isə təbii fəlakət bölgəsinin bütün yerlərinə göndərilib”.
Şərqi Azərbaycan Yol Polisi İdarəsinin rəisi polkovnik Cavad Namvəran isə Azərşəhr-Əcəbşer yolunda yerləşən Qazi Cahan körpüsünün hələlik bağlandığını elan edib: “Bölgədə təhlükə ehtimalı var, daşqın təkrarlana bilər. Ona görə də Qazi Cahan körpüsü növbəti xəbərdarlığa qədər bağlı qalacaq”.
Əcəbşer İcra Hakimiyyəti başçısının sözlərinə görə, bu şəhərdə baş verən daşqın nəticəsində 3 nəfər ölüb, 12 nəfər isə itkin düşüb. Hələlik itkin düşənlərin taleyi barədə heç bir məlumat yoxdur. “Ölənlərdən biri qadın, ikisi isə kişidir, onların cəsədi Əcəbşer xəstəxanasına aparılıb”, – deyə mer bildirib.
Bəzi mənbələr isə Əcəbşerdə təbii fəlakət nəticəsində 12 nəfərin öldüyünü və 40 nəfərin itkin düşdüyünü iddia edib.
arxiv.bizimxeber.az

 



Şərh əlavə edin




Yuxarı Geri Ana səhifə