Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Dul qadınlara 500 manat yardım ediləcək – Siyahı dəqiqləşdirilir
Dul qadınlara 500 manat yardım ediləcək – Siyahı dəqiqləşdirilir
25 Aprel 2017 / 13:53 / Baxış sayı: 604
Font1 Font2 Font3 Font4

Azərbaycan Prezidenti İlham Əliyevin İkinci Dünya müharibəsi iştirakçıları və digər müvafiq şəxslərə birdəfəlik maddi yardım verilməsi barədə Sərəncamının icrası ilə bağlı müvafiq işlərə başlanılıb.

Bu barədə arxiv.bizimxeber.az-a Əmək və Əhalinin Sosial Müdafiəsi Nazirliyindən məlumat verilib.

 

Bildirilib ki, ölkə başçısının “1941-1945-ci illər İkinci Dünya müharibəsi iştirakçılarına, həlak olmuş və ya sonralar vəfat etmiş döyüşçülərin dul arvadlarına, arxa cəbhədə fədakar əməyinə görə orden və medallarla təltif edilmiş şəxslərə birdəfəlik maddi yardım verilməsi haqqında” 24 aprel 2017-ci il tarixli Sərəncamının icrası ilə əlaqədar Əmək və Əhalinin Sosial Müdafiəsi Nazirliyi tərəfindən müvafiq işlərə başlanılıb.

Sərəncama əsasən, 1941-1945-ci illər İkinci Dünya müharibəsi iştirakçılarına 1000 (min) manat məbləğində, İkinci Dünya müharibəsində həlak olmuş və ya sonralar vəfat etmiş döyüşçülərin dul arvadlarına, həmin dövrdə arxa cəbhədə fədakar əməyinə görə orden və medallarla təltif edilmiş şəxslərə, İkinci Dünya müharibəsi illərində döyüş cəbhələrinin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçilərinə, İkinci Dünya müharibəsi dövründə Leninqrad şəhərinin müdafiəsinə görə müvafiq medal və döş nişanı ilə təltif edilmiş şəxslərə, habelə Leninqrad şəhərinin mühasirəsi iştirakçılarına 500 (beş yüz) manat məbləğində birdəfəlik maddi yardım verilməsi nəzərdə tutulub. Bu məqsədlə Azərbaycan Respublikasının 2017-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 7,2 milyon (yeddi milyon iki yüz min) manat vəsait ayrılıb.

Hazırda Sərəncamın icrası ilə əlaqədar maddi yardımın veriləcəyi şəxslərin siyahısı dəqiqləşdirilir.

 

Bu işlərin qısa müddətdə, təqribən bir həftə ərzində başa çatdırılması və birdəfəlik maddi yardımların avtomatlaşdırılmış qaydada həmin insanların pensiya üzrə plastik kart hesablarına köçürülməsi təmin olunacaq.

 

arxiv.bizimxeber.az



Şərh əlavə edin




Yuxarı Geri Ana səhifə