Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Daha bir doğuş FACİƏSİ
Daha bir doğuş FACİƏSİ
25 Aprel 2017 / 16:33 / Baxış sayı: 256
Font1 Font2 Font3 Font4

Bu gün səhər saatlarında doğuş zamanı daha bir körpə ölümü qeydə alınıb. 

arxiv.bizimxeber.az qafqazinfo-ya istinadən xəbər verir ki, hadisə “Baku Medical Plaza” klinikasında baş verib. Redaksiyaya müraciət edən Mehriban Hüseynova nəvəsinin ölümündə doğuşu həyata keçirən həkim Sevinc Qəhrəmanovanı günahlandırıb. Onun iddiasına görə, həkim uşağı ana bətnində boğub:

“Gəlinim Firəngiz Məmmədova dünən 18:00-da doğuşa girib, bu gün səhər 4-5 radələrində uşağın öldüyü deyilib. Həkim bizi son dəqiqəyə kimi əmin etdi ki, normal doğuş olacaq. Bacarmadığı üçün uşağı ana bətnində boğub. Ana doğuşa gedəndə uşağın ürək döyüntüləri öz yerində idi. Hələ xoşbəxtlikdən anaya nəsə olmayıb, onun üçün də həyati təhlükə yaranıb. Hazırda vəziyyəti kafidir. Həkimin sözü bu oldu ki, uşaq ana bətnində ölüb, qız doğa bilməyib. Bu səbəbdən uşaq boğulub. Bəs doğa bilmirsə, həkim nəyə lazımdır? Deyərdi, qeysəriyyə etdirərdik. Mən özüm də həkiməm. Fikrimcə, ağrıkəsici iynə vurub yatızdırıb, sonra da gəlinimin doğmağa gücü olmayıb”.

M. Hüseynova onu da qeyd edib ki, 9 ay müddətində nə anada, nə də ki uşaqda hər hansı poblem olub: “Analizin cavabları həmişə yaxşı çıxıb. Son dəqiqələrə kimi yoxlatmışıq, bir problem olmayıb. Heç baş həkimi tapa bilmirik ki, şikayət edək”.

“Qafqazinfo” məsələylə bağlı klinika ilə əlaqə saxlayıb. Həkim Sevinc Qəhrəmanovanın qısa müddət ərzində sadalanan ittihamlara cavab verəcəyi bildirildi. Amma zəngdən bir neçə saat keçsə də klinika hər hansı açıqlama vermədi.

arxiv.bizimxeber.az



Şərh yazmağa icazə verilməyib..




Yuxarı Geri Ana səhifə