Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Azərbaycanın tanınmış alimi vəfat etdi
Azərbaycanın tanınmış alimi vəfat etdi
10 May 2017 / 10:08 / Baxış sayı: 304
Font1 Font2 Font3 Font4

Kimya elminin inkişafında mühüm xidmətləri olmuş görkəmli alim, Əməkdar elm xadimi, AMEA-nın müxbir üzvü Nazil Canibəyov dünyasını dəyişib.

arxiv.bizimxeber.az-ın report-a istinadən məlumatına görə, N.Canibəyov 75 yaşında vəfat edib.

Nazil Canibəyov 1942‐ci il sentyabrın 21‐də Bakı şəhərində anadan olub. 1965-ci ildə Azərbaycan Dövlət Universitetinin Kimya fakültəsini bitirib.

O, 1972-ci ildə kimya üzrə fəlsəfə doktoru, 1987-ci ildə kimya üzrə elmlər doktoru elmi dərəcəsini, 1994-cü ildə isə professor elmi adını alıb. 2007-ci ildə AMEA‐nın müxbir üzvü seçilib.

Alim əmək fəaliyyətinə 1965‐ci ildən Azərbaycan Elmlər Akademiyasının Y.Məmmədəliyev adına Neft‐Kimya Prosesləri İnstitutunda mühəndis kimi başlayıb, sonralar kiçik və böyük elmi işçi vəzifələrində çalışıb. N.Canibəyov 1986‐cı ildən indiyə kimi Neft‐Kimya Prosesləri İnstitutunda Polifunksilonal kompleksonlar və metalkompleks birləşmələr laboratoriyasının müdiri vəzifəsində çalışıb. O, 2012‐ci ildən bu elmi müəssisədə Neft‐kimya sintezi şöbəsinin müdiri idi.

N.Canibəyov 224 elmi əsərin, o cümlədən 20 müəlliflik şəhadətnaməsi və 17 patentin müəllifi idi. Onun əsərlərinin çox hissəsi xaricdə çap olunub.

Alimin rəhbərliyi ilə 1 elmlər doktoru, 6 kimya üzrə fəlsəfə doktoru hazırlanıb.

N.Canibəyov Neft‐Kimya Prosesləri İnstitutunun nəzdində fəaliyyət göstərən Dissertasiya Şurasının, “Neft kimyası və neft emalı prosesləri”, “Kimya problemləri” və “Elm dünyası” jurnallarının redaksiya heyətinin üzvü idi. O, Y.Məmmədəliyev adına medal, “Avropa Nəşr Evi”nin qızıl medalı ilə təltif olunub.

arxiv.bizimxeber.az



Şərh yazmağa icazə verilməyib..




Yuxarı Geri Ana səhifə