Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

“Azəriqaz” işçisi vətəndaşları aldadıb ölkədən qaçdı – EKSKLÜZİV
“Azəriqaz” işçisi vətəndaşları aldadıb ölkədən qaçdı – EKSKLÜZİV
11 May 2017 / 14:14 / Baxış sayı: 884
Font1 Font2 Font3 Font4

 Azəriqaz nümayəndəsinin qaçaraq Almaniyada gizlənməsi aydın olub

“Azəriqaz” İstehsalat Birliyinin Xaçmaz Regional Qaz İstismarı İdarəsinin fərdi qazın qəbulu və satışı xidmətinin qaz avadanlıqlarının istismarı və təmiri üzrə mühəndis – çilingəri Tural Xıdırov rayon sakinlərinə külli miqdarda pul ataraq ölkəni tərk edib. Bu, Tural Xıdırovun Xaçmazın Yalama kənd sakini Rəhimbəy Əhmədağa oğlu Əhmədbəyovun evinə qaz çəkilməsi üçün ondan 300 manat alması, amma heç bir iş görmədən yoxa çıxmasından sonra məlum olub.

Şikayətçi rəsmi ərizə ilə Xaçmaz rayon prokurorluğuna müraciət edib. Dərhal rayon prokuroru Elxan Abdulhüseynov faktın araşdırılması üçün göstəriş verib və işin araşdırılmasına başlanılıb. Prokurorluğun araşdırması zamanı Tural Xıdırovun rayon ərazisində sadə insanlara kələk gələrək külli miqdarda “pul”atması barədə əməlləri üzə çıxıb.

Məlum olub ki, Tural Xıdırovun toruna saldığı təkcə Rəhimbəy Əhmədbəyov deyil. Xaçmaz şəhər sakini Etibar Bağırov da mənzilinə qaz çəkilməsi üçün Tural Xıdırova 450 manat pul veribmiş.

Prokurorluğun araşdırması Azəriqaz vəzifəlisinin Xaçmazda toruna saldığı insanların böyük bir siyahısını ortaya çıxarıb. Rayonun Hacıqurbanoba kənd sakini Eldar Babayevin və həmin kəndin daha 12 nəfər sakininin Tural Xıdırova qaz çəkilişi üçün pul verməsi də prokurorluq əməkdaşlarına məlum olub.

Fakta görə 3 may 2017-ci il tarixdə insanlara qarşı dələduzluq etmiş Xaçmaz Regional Qaz İdarəsinin mühəndis-çilingəri Tural Nadir oğlu Xıdırov barəsində Xaçmaz rayon prokurorluğunda CM-nin 178.2.2 ,2.3 maddələri ilə cinayət işi açılıb.

Xaçmazda adamları aldadaraq ciddi narazılıq yaratmış Tural Xıdırovu saxlamaq isə hələ mümkün olmayıb. Onun sadə insanları qaz çəkmək adı ilə, vəzifəsindən sui-istifadə edib aldatması, külli miqdarda pul toplayıb aradan çıxması araşdırılarkən həmin vaxt Tural Xıdırovun pul toplayarkən xaricə getmək ərəfəsində olması da aydınlaşıb. Azəriqaz nümayəndəsinin qaçaraq Almaniyada gizlənməsi aydın olub. Xaçmaz prokurorluğunda fakt təsdiqlənib və cinayət işinin istintaqının davam etdirildiyi bildirilib.

Qurumdan o da deyilib ki, Azəriqaz-ın dələduzluq edən əməkdaşının aldatdığı narazı adamların prokurorluğa müraciətləri artmaqdadır.

arxiv.bizimxeber.az



Şərh yazmağa icazə verilməyib..




Yuxarı Geri Ana səhifə