Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Baytarlıq Xidmətindən Prokurorluğa müraciət olundu
Baytarlıq Xidmətindən Prokurorluğa müraciət olundu
17 Fevral 2014 / 17:02 / Baxış sayı: 12
Font1 Font2 Font3 Font4

Dövlət Baytarlıq Xidməti və Genetik Ehtiyatlar İnstitutunun vəzifəli şəxslərinin qanunsuz əməlləri ilə bağlı materiallar Baş Prokurorluğa göndəriləcək.

AzNews.az Hesablama Palatasının rəsmi saytına istinadən məlumat verir ki, Palatanın fevralın 14-də keçirilən Kollegiya iclasında “Azərbaycan Respublikası Kənd Təsərrüfatı Nazirliyi yanında Dövlət Baytarlıq Xidmətinin Təsərrüfat Hesablı Baytarlıq Təchizatı Birliyinin maliyyə-təsərrüfat fəaliyyətinin, o cümlədən dövlət büdcəsi vəsaiti hesabına maliyyə-təsərrüfat əməliyyatlarının, aktivlərinin uçotu, istifadəsi, saxlanılması və satışının, habelə vergi və digər qanunvericilik aktlarının tələblərinə riayət edilməsi vəziyyətinə dair auditin nəticələri üzrə” və “Dövlət büdcəsinin mərkəzləşdirilmiş xərclərindən Azərbaycan Milli Elmlər Akademiyasının Genetik Ehtiyatlar İnstitutuna ayrılan vəsaitlərin icrasına dair auditin nəticələri üzrə” hesabat və rəylər geniş müzakirə olunaraq təsdiq edilib.

Kollegiya tərəfindən Dövlət Baytarlıq Xidmətinin Təsərrüfat Hesablı Baytarlıq Təchizatı Birliyinin vəzifəli şəxsləri tərəfindən vəzifə səlahiyyətlərindən sui-istifadə, etibar edilmiş dövlət əmlakından, o cümlədən ayrılmış büdcə vəsaitlərindən qanunsuz istifadə halları, dövlətə və ayrı-ayrı vətəndaşlara külli miqdarda zərərin vurulması faktlarının auditlə müəyyən edildiyi və Azərbaycan Milli Elmlər Akademiyasının Genetik Ehtiyatlar İnstitutunun vəzifəli şəxsləri tərəfindən vəzifə səlahiyyətlərindən sui-istifadə, qanunsuz əməkhaqqı ödənişi, texniki və məişət avadanlıqlarının təmiri zamanı artıq büdcə vəsaitinin sərf olunması, əsaslı təmir işlərinin yerinə yetirilməsi zamanı iş həcmlərinin süni surətdə artırılması və bu kimi digər maliyyə pozuntularına yol verildiyi nəzərə alınaraq, hər iki nəzarət tədbiri üzrə yoxlama materiallarının “Hesablama Palatası haqqında” qanunun 2-ci maddəsinin on ikinci abzasının və Azərbaycan Prezidentinin 2009-cu il 22 iyun 103 nömrəli fərmanının 7-ci bəndinin tələblərinə uyğun olaraq Azərbaycan Baş Prokurorluğuna göndərilməsi barədə qərar qəbul olunub, nəzarət tədbirlərinin nəticələri barədə Milli Məclisə məlumatların təqdim edilməsi qərara alınıb.

Kollegiya iclasında, həmçinin “Aqrolizinq” ASC-yə dövlət büdcəsindən ayrılan və təkrar daxil olan vəsaitlərin istifadəsi üzrə nəzarət tədbirinin proqramı təsdiq olunub.

İclasda Palatanın funksional fəaliyyəti ilə bağlı cari məsələlər də müzakirə edilib, Palatanın 2013-cü ildə fəaliyyəti üzrə hesabatının, eləcə də audit tədbirlərinin nəticələrinə əsaslanmaqla müvafiq qanunvericiliyin daha da təkmilləşdirilməsi üzrə Palatanın növbəti təkliflər toplusunun hazırlanmasına, eyni zamanda, Palatanın Strateji İnkişaf Planının tətbiqi ilə bağlı beynəlxalq layihədə nəzərdə tutulan tədbirlərin vaxtında və keyfiyyətlə həyata keçirilməsi məqsədilə bir sıra tövsiyə və tapşırıqlar verilib.

arxiv.bizimxeber.az



Şərh yazmağa icazə verilməyib..




Yuxarı Geri Ana səhifə