Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Valeh Mirzə prezidentə müraciət etdi
Valeh Mirzə prezidentə müraciət etdi
07 Aprel 2014 / 11:37 / Baxış sayı: 280
Font1 Font2 Font3 Font4

Azərbaycan Respublikasının Prezidenti 
İlham Əliyev cənablarına

 Möhtərəm cənab Prezident!

Yeddi il baş redaktoru olduğum “Azərbaycan müəllimi” qəzetinin bu il 80 yaşı tamam  olur.  Ötən bu illər ərzində qəzetə çoxlu tanınmış ziyalılar rəhbərlik etmişlər ki, onlardan biri də mən olmuşam.  2001-ci ildən 2007-ci ilədək bu qəzetin ağır yükünü məhz mən  qəlbimdə, zehnimdə daşımışam.

Qəzetə rəhbər  təyin olunduğum I-ci aydan başlayaraq oxucularla sıx  təmas qurmaq məqsədi ilə əksər rayonlarda konfranslar keçirmişəm. İlk oxucu konfransım Naxçıvan Dövlət Universitetində baş tutub. Universitetin professor-müəllim heyəti, eləcə də Muxtar Respublikanın Təhsil Naziri və təhsil ictimaiyyəti bu təşəbbüsümü yüksək dəyərləndirdilər və bu addımı cəsarətli bir addım kimi qiymətləndirdilər.

Qeyd etdilər ki, bu görüş həm Naxçıvan ziyalıları üçün, həm də qəzet üçün  tarixi bir hadisədir. Bu illər ərzində pedaqoji mətbuatı pedaqoji kollektivlərə  sevdirmək üçün onu müəllimlərin tribunasına çevirməyin vacibliyini  dərk edərək təhsil ocaqlarında  çalışan qabaqcıl müəllimlərin iş təcrübələrinin yayılmasına, qəzetdə pedaqoji fikir tarixinin yaradılmasına çalışmışam. Ulu Öndər Heydər Əliyevin  1999-cu ildə imzaladığı “Təhsildə  İslahatı Proqramı”nın  bütün komponentlərini təhlil və təbliğ edərək onların yerlərdə tətbiqinə ciddi  nəzarət etmişəm. Nəticədə qısa müddətdə  qəzetin oxucu  auditoriyası genişlənmiş, müəllim və pedaqoqların mənəvi qida mənbəyinə çevrilmişdir.

Çalışdığım 7 il ərzində  yüzdən  artıq siyasi məqaləm bu qəzetin və başqa rəsmi dövlət qəzetlərinin səhifələrində dərc olunub. Bu məqalələrin hər biri  ümummilli lider Heydər Əliyevin təhsil siyasətinin təhlilinə və təbliğinə həsr olunmuşdur. Nəticədə səmərəli fəaliyyətimə  görə 2005-ci ildə Mətbuat Günü münasibətilə imzaladığınız məlum sərəncamla  “Tərəqqi” medalı ilə təltif olunmuşam. Buna görə Sizə – müdrik dövlət rəhbərinə  öz dərin təşəkkürümü bildirirəm. İşdən çıxdığım bu  illər ərzində  də yaradıcılığımı davam etdirmiş, ölkə rəhbərinin və Heydər Əliyev Fondunun prezidenti, millət vəkili Mehriban xanım Əliyevanın dövlətçiliyimizin çiçəklənməsi, qüdrətlənməsi naminə fəaliyyətlərini  təbliğ edən   çoxlu sayda publisist məqalələr, şeirlər  və poema yazaraq  aparıcı mətbu orqanlarda dərc etdirmişəm və bu missiyamı daim davam etdirməkdə israrlıyam.

Möhtərəm cənab Prezident!

“Azərbaycan müəllimi” qəzetinin 80-illik yubileyi  ərəfəsində bu qəzetdə göz önündə olan xidmətlərimi, ümumiyyətlə mətbuat sahəsində  səmərəli fəaliyyətimi və yaradıcılıq potensialımı nəzərə alaraq mənə “Əməkdar jurnalist” fəxri adı verməyinizi xahiş edirəm. Əmin ola  bilərsiniz ki, bu addımınız mənə həyat  stimulu verəcək və gələcək yaradıcılığıma xoş ovqat, ruh yüksəkliyi qatacaq.

Qeyd edim ki, bu mətbu orqandan əvvəl də pedaqoji mətbuatın ayrılmaz qolu sayılan “Savalan” (Azərbaycan pioneri) qəzetinə rəhbərlik etmişəm və ötən bu illər ərzində dəyərli oxuculara publisist məqalələrdən, satira və yumorlardan, eləsə də şeirlərdən ibarət 10 kitab təqdim etmişəm.

Öncədən təşəkkür edirəm;

Hörmətlə; Valeh MİRZƏ,  

şair, publisist, “Azərbaycan müəllimi”qəzetinin keçmiş baş  redaktoru,YAP-ın üzvü

Ünvan: Bakı şəhəri, Salyan şosesi 22, mənzil 11

telefon (050) 7448965



Valeh Mirzə prezidentə müraciət etdi yazısına 3 şərh yazıldı




Yuxarı Geri Ana səhifə