Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Şadlıq sarayının həyətində palatka toyu
Şadlıq sarayının həyətində palatka toyu
04 İyun 2014 / 11:30 / Baxış sayı: 52
Font1 Font2 Font3 Font4

Bakıda iş adamının oğul toyu ilə minlərə insana “toy tutdu”

“Oğluna toy edir, özü də gülməli formada. Ay bala, minlərlə insanın yaşadığı ərazidə belə şey etmək olar? Şadlıq sarayının da həyətində palatka qurarlar? Səhərə kimi bizi yatmağa qoymayıb. Belə biabırçılıq olmaz. Yoxsa 25 illik kredit altında inildəyən insanlara acıq verir?” – bu fikirlər Sabunçu rayonu Bakıxanov qəsəbəsi, Y.Əliyev küçəsinin sakinlərinin “Sərham” MMC-nin (Bakıxanov Çörək Zavodu) baş direktoru Rasim Nəbiyevin hərəkətləri ilə bağlı Milli.Az-a ünvanladıqları şikayət məktubunda deyilir.

Oxucu məktubunda deyilir ki, dünən axşam saatlarından başlayaraq gecə yarısına kimi Y.Əliyev küçəsində böyük yaşayış komplekslərinə bitişik yerləşən “Ülvi” şadlıq sarayının həyətində qurulan toy məclisi ətrafdakı insanların hiddətinə səbəb olub:

“Rasim Nəbiyev oğlu üçün toy edib. Palatkanı düz işlədiyi zavodun qarşısında, şadlıq sarayının həyətində qurub. Yüksək musiqi səsi, qonaqların səs-küyü bizi yatmağa qoymayıb. Bir polis belə bu asayişin pozulmasına müdaxilə etməyib. Əlacsız qalıb 102 xidmətinə şikayət etdik. Az sonra polis gəldi, amma toya yox, ətrafdakı taksi sürücülərini ərazidən qovdu. İctimai yerdə, minlərlə insanın yaşadığı yerdə oyun çıxarmaq icazəsini zavod direktoruna kim verib? Dövlətin qanunlarını pozmaq səlahiyyətini satdığı çörəyin pulları ilə alıb bəlkə?”

Məsələ ilə bağlı Sabunçu Rayon Polis İdarəsinin 13-cü polis bölməsinin rəisi İltimas Yusifli açıqlamasında bildirib ki, ictimai asayişin pozulmasına polis müdaxilə edərək tədbir görür. Rəisin sözlərinə görə, əgər saat 12-dən sonra səs-küy salınarsa, İnzibati Xətalar Məcəlləsinin tələbinə uyğun olaraq şəxs 30-50 manat məbləğində cərimələnir. Dünən Yavər Əliyev küçəsində keçirilən toy məclisi ilə bağlı sakinlərdən şikayət daxil olub.

“Hansı tədbir görülüb, cərimə olunub, yoxsa..” suala cavabında İ.Yusiflinin cavabı: “Toy dayandırılıb, restoran və toy sahibinə protokol tərtib olunub. Mənim üçün vətəndaşın hüququ biznesmendən daha artıqdır. Özümü də o vətəndaşın yerinə qoyuram, kimisə narahat etmək olmaz. Polis vətəndaşın ümid yeridir. Bu gün vətəndaşın ümidini sındırsam, sabah yaxınımız hansısa cinayətin və hüquq pozuntusunun qurbanı olacaq”.

Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova açıqlamasında bildirib ki, restoran və şadlıq sarayındakı səs-küylə bağlı şikayət olarsa, araşdırma aparıla bilər. Bu zaman şikayətçinin öz iştirakı ilə həmin əraziyə gedib ölçmə aparılır. Səs və titrəmə normadan artıq olarsa, tədbir görülür.

 

arxiv.bizimxeber.az



Şərh yazmağa icazə verilməyib..




Yuxarı Geri Ana səhifə