Загрузка...
Xəbər lenti



Загрузка...
  • 2017-Cİ İLDƏ HANSI MƏMURLARI VƏZİFƏDƏ GÖRMƏK İSTƏMİRSİZ? -

    View Results

    Loading ... Loading ...

Ermәni general evindә azәrbaycanlı әsir saxlayırmış -ŞOK
Ermәni general evindә azәrbaycanlı әsir saxlayırmış -ŞOK
05 Noyabr 2014 / 18:41 / Baxış sayı: 42
Font1 Font2 Font3 Font4

İstefada olan general, Qarabağ müharibəsi iştirakçısı olan Manvel Qroqoryan Azadlıq Radiosunun Erməni xidmətinə deyib ki, müharibədən sonra evində azərbaycanlı əsir saxlayırmış. Onun bu etirafı Ermənistanda insan haqları müdafiəçilərinin narazılığını doğurub. Onların fikrincə, general əsirlər haqda Cenevrə konvensiyasını pozub.

Manvel Qriqoryan 2000-2008-ci illərdə Ermənistanın müdafiə nazirinin müavini olub.  Manvel Qriqorian müsahibədə demişdi ki, müharibədən Ermənistana yüzlərlə əsirlə qaydıb. “Simon adlı əsiri evdə saxlayırdım. 4 il saxlamışam: 2 il Mardakertdə, 2 il Ermənistanda. Sonra Qırmızı Xaça verdim. Onu apardılar və təhvil verdilər. Çünki onun anası, bacısı, nişanlısı vardı. O qayıtmağı çox istəyirdi. Mən də buraxdım”.

Müxbir deyəndə ki, Simonun 15-16 yaşı vardı, Manvel Qriqoryan razılaşmayıb: “O, Xüsusi təyinatlı idi. Təlim keçmiş döyüşçü idi. Düzdür, 15 yaşı vardı, ancaq xüsusi təlim keçmiş dəstələrdən idi. Onu çətinliklə əsir götürmüşdülər”.

Müxbir soruşub ki, Simon adını ona generalın özümü verib? Və niyə məhz Simon? Qriqoryan deyib ki, “Bəli, Simonyan Simon. Bəs kim verməli idi? Ona Alievian Aliev adını verə bilməzdim ki!?.”.

Cenevrə konvensiyasına görə, vuruşan tərəflər əsirlər məsləsini nəzarətdə saxlamalıdır. Şəxsi adamlar əsirləri evlərində və ya başqa belə yerlərdə saxlaya bilməzlər. Ermənistan Cenevrə konvensiyasına 1992-ci ildə qoşulub.

İnsan haqları müdafiəçisi Larisa Allahverdyan deyir ki, heç kimin əsiri evində saxlamağa haqqı yoxdur. Əgər o, əsiri Eçmiədzindəki evində 2 il saxlayıbsa, onda o, beynəlxalq hüququ, Cenevrə konvensiyasını pozub.

Qarabağ müharibəsi dövründə əsirlərin dəyişdirilməsi ilə məşğul olan Allahverdiyanın sözlərinə görə, o vaxtlar Azərbaycan və Erməni tərəfi əsirləri saxlayırdılar ki, əks tərəfdə əsirlikdə olan qohumları ilə dəyişsinlər. Allahverdyanın sözlərinə görə, müharibə qurtaranda o və başqa hüquq müdafiəçiləri o vaxtki prezident Ter-Petrosyana müraciət etdilər ki, əsirlərin geri qaytarılması məsələsini dövlət nəzarətinə götürsün. Ter-Petrosyanın əmri ilə bu, belə də oldu. Qriqoryanın evdə əsiri 2 il saxlamasının hüquqi nəticələri olacaqmı? Baş prokurorluq və Xüsusi İstintaq İdarəsi bildirir ki, bu məsələyə baxılacaq. (azadliq.org)

arxiv.bizimxeber.az



Şərh əlavə edin




Yuxarı Geri Ana səhifə